អាយុទើប ២៦ ឆ្នាំ តារាស្រី Mook ជួបស្នេហ៍បរាជ័យ ៣ លើកបាត់
Mook Worranit តារាស្រីវ័យ ២៦ ឆ្នាំ ដែលសាងកេរ្តិ៍ឈ្មោះតាមរយៈរឿង «Ugly Duckling Series: Perfect Match» ហើយក្លាយជាតារាសម្ដែងមានប្រជាប្រិយភាព និង មានស្នាដៃរឿងល្បីៗបន្ដបន្ទាប់គ្នាមិនចេះដាច់។
ឆ្លងកាត់បទពិសោធន៍ជាច្រើនឆ្នាំលើវិថីសិល្បៈ Mook ក្លាយជាតារាស្រីដែលជោគជ័យមួយរូប តែផ្ទុយទៅវិញ បើនិយាយពីជីវិតស្នេហា Mook ហាក់មិនសូវជួបរឿងសមបំណងឡើយ ដោយនាងធ្លាប់ខូចចិត្ត ៣ លើកមកហើយ រហូតទុកបេះដូងទំនេរនាពេលបច្ចុប្បន្ននេះ។
១. Man Jettanan
នៅឆ្នាំ ២០១៥ តារាស្រី Mook បានប្រកាសចំណងស្នេហ៍ជាមួយ Man Jettanan អ្នកសម្ដែងក្រោមដំបូលក្រុមហ៊ុនតែមួយ ដែលបច្ចុប្បន្នក្លាយជាគ្រូពេទ្យម្នាក់ ហើយបានលាឈប់ពីអាជីពសិល្បៈ។ ស្នេហាអ្នកទាំងពីរកើតឡើងក្នុងរយៈពេលខ្លី ដោយនៅឆ្នាំ ២០១៦ អ្នកទាំងពីរបានប្រកាសបែកគ្នាក្រោយទាក់ទងគ្នាជាង ២ ឆ្នាំ។
២. Toyy Pathompong
ក្រោយទុកបេះដូងទំនេរជាង ៣ ឆ្នាំ Mook បានបើកបេះដូងជាថ្មីជាមួយតារាប្រុស Toyy នៅឆ្នាំ ២០១៩ ដែលអំឡុងពេលទាក់ទងគ្នាគូស្នេហ៍អ្នកទាំងពីរជាគូស្នេហ៍ដែលអ្នកគាំទ្រពេញចិត្តជាខ្លាំង ព្រោះតែម្នាក់ៗសុទ្ធតែមានសម្រស់ស្រស់ស្អាត ហើយមានប្រជាប្រិយ។ តែគួរឱ្យសោកស្តាយចំណងស្នេហ៍នេះមានអាយុកាលត្រឹម ១ ឆ្នាំ ក៏ត្រូវបញ្ចប់ព្រោះតែតារាប្រុស Toyy បានប្រកាសសុំបែកដោយលោកបានសាងស្នេហ៍ថ្មីជាមួយតារាសម្ដែង និងបង្ហាញម៉ូត Gina Virahya ដែលធ្វើឱ្យតារាស្រី Mook ខូចចិត្តជាខ្លាំងរហូតយំនៅមុខកាមេរ៉ាផងដែរ។
៣. Max Nattapol
មិនយូរប៉ុន្មាន ក្រោយបែកតារាប្រុស Toy អស់មួយរយៈធំ Mook ក៏រកបានអ្នកស្អំបេះដូងថ្មីជាមួយតារាប្រុស Max ដោយចំណងស្នេហ៍អ្នកទាំងពីរគឺលក្ខណៈបែប Private ដោយមិនមានការបើកបង្ហាញនោះឡើយ។ ដោយដំណឹងទាក់ទងគ្នារបស់តារាស្រីគូនេះបានបែកធ្លាយ នៅពេលដែលអ្នកទាំងពីរប្រកាសចំណងស្នេហ៍នៅខែមេសា ឆ្នាំ ២០២២កន្លងទៅនេះ ដោយប្ដូរឈ្មោះពីគូស្នេហ៍មកជាមិត្តវិញ៕
