គេឆ្ងល់ហេតុអីបានស្អាតប្លែកជាងមុន ស្រាប់តែ Gubgib មិនទុកយូរ ទម្លាយប្រាប់ខ្ទេច

វាមិនមែនជារឿងចម្លែកនោះទេ ដែលអ្នកម៉ាក់កូន ២ Gubgib នៅតែទទួលបានការគាំទ្រ និង ស្រឡាញ់ច្រើនពីសំណាក់មហាជននោះ ព្រោះបើគយគន់ទៅមើលពីតារាស្រីរូបនេះមិនត្រឹមតែមានទេពកោសល្យក្នុងសិល្បៈនោះទេ តែបើក្រឡែកទៅមើលសម្រស់របស់នាងវិញក៏ផូផង់មិនធម្មតាឡើយ។

អ្វីដែលមហាជនចាប់អារម្មណ៍ខ្លាំងជាងនេះទៅទៀតនោះគឺ ពីមួយថ្ងៃទៅមួយថ្ងៃមហាជនអ្នកគាំទ្រហាក់លង់សម្រស់អ្នកម៉ាក់រូបនេះស្ទើរគ្រប់គ្នា ព្រោះបើទោះបីជាមានកូនពីរនាក់ហើយក៏ដោយ តែសម្រស់នៅតែស្រស់ស្អាតខ្លាំង។

បន្ទាប់ពីឃើញសម្រស់ផូផង់របស់អ្នកម៉ាក់រូបនេះប្លែកច្រើនភ្លាម ស្រាប់តែមហាជនធ្លោយមាត់ និង ឆ្ងល់គ្រប់គ្នាថា តើនាងទៅធ្វើអ្វីមកបានជាសម្រស់កាន់តែក្មេងទៅៗ និង ស្រស់ស្អាតប្លែកបែបនេះ? ភ្លាមនោះ អ្នកម៉ាក់រូបនេះក៏បានបោះសម្តីផាំងៗថា ពីមុនកូនតូចៗមិនសូវបានមើលថែខ្លួន ពេលនេះកូនៗធំហើយ នាងមានពេលវេលាថែសម្រស់ជាងមុនច្រើន។ ចំណែក មុខ និង ច្រមុះរបស់នាងក៏មានការចាក់ធ្វើឱ្យស្អាតខ្លះដែរ៕