Meen ផ្ទុះល្បីខ្លាំង បន្ទាប់ពីក្ដាប់បានតំណែងតួឯកក្នុងរឿង BL ជាលើកដំបូង
ប្រិយមិត្តដែលនិយមទស្សនារឿងភាគ BL ថៃច្បាស់ជាបានស្គាល់ជាក់ជាមិនខាន តារាប្រុសវ័យក្មេងរូបសង្ហា Meen Nichakoon សម្ដែងជាតួ Ai ក្នុងរឿងភាគ ( Ai Long Nhai The Series ) ដែលជារឿងភាគ BL មួយកំពុងតែទទួលបានការគាំទ្រខ្លាំងពីសំណាក់មហាជន។
បច្ចុប្បន្ន អ្នកកំលោះ Meen មានអាយុ ២៣ ឆ្នាំ មានកម្ពស់ ១៨៨ សង់ទីម៉ែត្រ ជាកីឡាករបាល់បោះ ដោយតារាប្រុសរូបនេះចូលចិត្តវិស័យកីឡាតាំងតែនៅក្មេង។ ខណៈនេះពេលនេះ Meen កំពុងតែទទួលបានការគាំទ្រខ្លាំងពីសំណាក់មហាជនបន្ទាប់ពីការចូលសម្ដែងក្នុងរឿង BL ជាលើកដំបូង។
ដោយសមត្ថភាព និង រូបសម្រស់ដ៏ស្រស់សង្ហា Meen ក្តាប់បានតំណែងជាតួឯកដែលធ្វើឱ្យអ្នកកំលោះរូបនេះកាន់តែមានឈ្មោះបោះសំឡេង។ បើនិយាយពីជីវិតសិល្បៈរបស់ Meen ដំបូងឡើយ លោកជាតារាបង្ហាញម៉ូដ លុះក្រោយមកក៏បានចូលក្នុងវិស័យសម្ដែង រហូតក្តាប់បានកេរ្តិ៍ឈ្មោះល្បីល្បាញលើវិស័យសិល្បៈ៕
