សម្រស់ពិត Liu Yifei ពេលអត់ផាត់មុខ ធ្វើឱ្យអ្នកគាំទ្រផ្ទុះការវែកញែក
តារាសម្ដែងស្រីចិនកូនកាត់អាមេរិក Liu Yifei កាលពីពេលកន្លងទៅ មានការបែកធ្លាយរូបថតរបស់នាង ខណៈកំពុងញ៉ាំអាហារពេលល្ងាចជាមួយនឹងមិត្តភក្តិនៅភោជនីយដ្ឋានមួយកន្លែង ដោយមិនបានផាត់មុខតែងខ្លួននោះឡើយ។ ហើយរូបថតឯកជនរបស់នាងដែលត្រូវបានគេលួចថតពីចម្ងាយ បានធ្វើឱ្យមានការពិភាក្សាយ៉ាងក្តៅគគុកក្នុងចំណោមអ្នកគាំទ្រនិយមលេងក្នុងបណ្តាញសង្គម។
បើតាមរយៈរូបថតសន្លឹកដែលបានទម្លាយក្នុងបណ្តាញសង្គម គឺតារាស្រីរូបនេះបានស្លៀកក្នុងឈុតបែបសាមញ្ញបំផុត និង អង្គុយញ៉ាំអាហារពេលល្ងាចជាមួយនឹងមិត្តភក្តិយ៉ាងរីករាយ។ បើពិនិត្យឱ្យមែនទែនទៅគឺនាងដូចជាមិនបានផាត់មុខជំនួយសម្រស់អ្វីឡើយ ហើយសភាពស្បែកមុខរបស់នាងមិនមានអ្វីជាបញ្ហាចោទសំខាន់នោះទេ។
ទោះជាយ៉ាងណា តារាស្រីដែលជាប់ឈ្មោះជាតារាស្រីកំពូលសម្រស់រូបនេះ ក៏មានអ្នកនិយមលេងក្នុងបណ្តាញសង្គមមួយចំនួនបានបញ្ចេញជាមតិដែរថា មុខរបស់ Liu Yifei គឺមានខ្លាញ់ច្រើន ហើយថែមទាំងនិយាយថា នាងអាចនឹងចូលគេងយប់ជ្រៅពេក រហូតមើលទៅមុខឡើងហើម និង ដក់ក្រោមភ្នែកឡើងខ្មៅ។
ប៉ុន្តែយ៉ាងណាមិញ ក៏មានមតិសរសើរមួយចំនួនដែរ ដោយមនុស្សជាច្រើនបានប្រៀបធៀបសម្រស់នាងខាងក្រៅ និង ក្នុងកញ្ចក់ទូរទស្សន៍ថា មុខមាត់របស់នាងមិនមានអ្វីប្លែកខុសពីគ្នានោះទេ៕
