មុនជួប Best ជាគូស្នេហ៍ តាមពិត Tong Tong ធ្លាប់មានសង្សាររូបស្រស់ម្នាក់
ជាងមួយឆ្នាំទៅហើយ ដែលតារាប្រុសរូបសង្ហា Tong Tong បានប្រកាសជាផ្លូវការនៅចំពោះមុខមហាជនពីទំនាក់ទំនងរបស់លោកជាមួយនឹងតារាស្រីរូបស្រស់ Best Kamsing ថាជាសង្សារនឹងគ្នានោះ។
ពិសេសចាប់តាំងពីផ្តើមស្នេហ៍ឱ្យមហាជន និង គ្រួសារបានដឹងឮមក គូស្នេហ៍របស់អ្នកទាំងពីរគ្មានអ្វីត្រូវបិទបាំងទៀតឡើយ ពោលគឺតែងតែបង្ហាញពីសកម្មភាពស្នេហ៍ផ្អែមល្ហែមឱ្យមហាជនអ្នកគាំទ្រលួចច្រណែនគ្មានលស់មួយថ្ងៃណាឡើយ។
យ៉ាងណាមិញ អ្វីដែលកាន់តែពិសេសជាងនេះទៅទៀតនោះ ជឿជាក់ថាមហាជនខ្លះមិនទាន់បានជ្រាបទេថា មុនផ្តើមស្នេហ៍ជាមួយនារីរូបស្រស់ Best Kamsing តាមពិតទៅតារាប្រុសរូបសង្ហា Tong Tong ធ្លាប់ជ្រុះបេះដូងជាមួយនារីរូបស្រស់ម្នាក់ម្តងរួចមកហើយ នៅពេលដែលលោកមិនទាន់មានឈ្មោះបោះសំឡេងដូចពេលបច្ចុប្បន្ន។
នារីរូបស្រស់ដែលត្រូវជាអតីតគូស្នេហ៍របស់ Tong Tong ត្រូវបានគេស្គាល់ឈ្មោះថា Green ជានារីក្រៅរង្វង់សិល្បៈ ហើយនាង និង Tong Tong បានផ្តើមស្នេហ៍ជាមួយគ្នាតាំងពីតារាប្រុស Tong Tong មិនទាន់មានឈ្មោះល្បីដូចពេលនេះឯណោះ តែយ៉ាងណាចុងក្រោយអ្នកទាំងពីរមិនអាចទៅមុខបន្តបាន រហូតទំនាក់ទំនងនេះត្រូវបានបញ្ចប់ដោយបន្សល់ទុកត្រឹមអនុស្សាវរីយ៍តែប៉ុណ្ណោះ៕
