A Supachai ទម្លាយថា កាលពី ១០ ឆ្នាំមុន ខ្លួនបានធ្វើរឿងខុសមួយដាក់ Mario ដើម្បីជួយ Gun ប្រឡងចម្រៀង

​ជឿជាក់ថាប្រិយមិត្តដែលនិយមតាមដានរឿងភាគថៃភាគច្រើនមុខជាបានស្គាល់ច្បាស់ A Supachai តារាជើងចាស់ដែលមានឥទ្ធិពល ជាពិសេសជាអ្នកគ្រប់គ្រងតារាល្បីៗលំដាប់ជួរមុខប្រចាំប្រទេសថៃផងដែរ។

យ៉ាងណាមិញ ថ្មីៗនេះ A បានទម្លាយរឿងដែលលាក់ទុកមកជាង ១០ ឆ្នាំឱ្យដឹងថា ៖ «ខ្ញុំធ្លាប់ធ្វើខុសចំពោះ Mario កាលពីជាង ១០ ឆ្នាំមុន អំឡុងពេលនាំ Gun Naphat ចូលប្រឡងចម្រៀង The Star»។

«ឆ្នាំដំបូងចូលប្រកួត Gun មិនជោគជ័យទេធ្លាក់ជុំ អ៊ីចឹងក៏នាំ Gun ទៅកូរ៉េភ្លាមៗដើម្បីធ្វើមុខ ហើយខ្ញុំជាអ្នករ៉ាប់រងគ្រប់យ៉ាង ចង់ឱ្យគាត់ឈ្នះ ហើយចូលប្រកួតម្ដងទៀតគាត់ឈ្នះមែន តែដោយសម័យនោះខ្ញុំក៏មិនសូវមានលុយច្រើនដូចគ្នា ហើយត្រូវជួយទំនុកបម្រុង Gun ផងនោះ អ៊ីចឹងក៏លួចអាវ Mario ឱ្យ Gun ពាក់ចូលប្រឡង។ Mario មកសួរថា «បងបាត់អាវខ្ញុំទៅណា?» ខ្ញុំមិនបានឆ្លើយ ឃើញម្ដងទៀតអាវនោះនៅ Gun កំពុងពាក់ទៅប្រឡងចម្រៀងលើទូរទស្សន៍ តែ Mario គាត់ក៏មិនប្រកាន់គ្រាន់តែហួសចិត្តប៉ុណ្ណឹង»៕