(វីដេអូ) នៅក្មេងសោះតែ Gate កូនប្រុសរបស់ ខាន់ ជេមស៍ ច្រៀងរ៉េបឡើងអ៊េមអស់ស្ទះ

ចាប់តាំងពីប្រកាសបើកផលិតកម្មផ្ទាល់ខ្លួនមក តារាចម្រៀងដ៏ល្បី លោក ខាន់ ជេមស៍ ក៏ចាប់ផ្ដើមលត់ដំកូនៗប្រុសស្រីឱ្យពង្រឹងសមត្ថភាពមិនថាការច្រៀង ការរ៉េប ការរាំ ឬការលេងឧបករណ៍តន្រ្តីនោះទេ ដើម្បីទទួលបានការពេញចិត្ត ស្រឡាញ់គាំទ្រពីសំណាក់ទស្សនិកជន ក្នុងការបោះជំហានដើរលើវិថីសិល្បៈតាមលំនាំរបស់ឪពុក។

ទន្ទឹមនឹងការណែនាំបង្ហាត់បង្រៀនពីលោកជាឪពុកដោយផ្ទាល់នេះដែរ តែក្នុងនោះមហាជនក៏មើលឃើញថា កូនៗប្រុសស្រីរបស់ ខាន់ ជេមស៍ ម្នាក់ៗសុទ្ធសឹងតែមានទេពកោសល្យសិល្បៈពីកំណើត។ តួយ៉ាង កុមារា Gate កូនប្រុសរបស់តារាចម្រៀងខាងលើ គឺជាក្មេងប្រុសដែលមានសមត្ថភាពផ្នែកសិល្បៈជាច្រើនមិនថាការរាំ និង ច្រៀង ជាពិសេស Gate ក៏មានទេពកោសល្យផ្នែករ៉េបដ៏គួរឱ្យសរសើរផងដែរ។

ជាក់ស្ដែងថ្មីៗនេះ ខាន់ ជេមស៍ បានបង្ហោះវីដេអូខ្លីនៅលើបណ្ដាញសង្គម Tik Tok ស្ដែងពីសកម្មភាពកុមារា Gate កំពុងច្រៀងរ៉េបបទថ្មីយ៉ាងឡូយ ពោរពេញដោយកម្លាំង ឃ្លាឃ្លោងក៏ពីរោះមានជួន បានទស្សនាហើយជក់ចិត្ត ព្រមជាមួយពាក្យសរសើរនូវសមត្ថភាពរបស់រូបគេជាខ្លាំង។ សូមចុចទីនេះដើម្បីទស្សនាវីដេអូ ៖