ស្មានមិនដល់ ក្រោយពីចែកផ្លូវគ្នា Dawn ស្រាប់តែនិយាយបែបនេះទៅកាន់ Hyuna

កាលពីថ្ងៃទី ៣០ ខែវិច្ឆិកា ឆ្នាំ ២០២២​ កន្លងទៅនេះ ពិតជាធ្វើឱ្យមហាជនអ្នកគាំទ្រទាំងឡាយ ភ្ញាក់ផ្អើល​ និង សោកស្តាយជាខ្លាំង ក្រោយគូស្នេហ៍ល្បីប្រចាំ Dawn  និង Hyuna ដែលទើបតែភ្ជាប់ពាក្យគ្នាហើយមិនបានប៉ុន្មាន បែរជាមកប្រកាសចែកផ្លូវគ្នាវិញ។

ក្នុងនោះ ខាងស្រី Hyuna បានទម្លាយដំណឹងការបែកគ្នារបស់ខ្លួននេះ នៅតាមបណ្តាញសង្គម IG ហើយបានបន្ថែមទៀតថា បើទោះជាចែកផ្លូវគ្នាមែន ពួកគេនឹងនៅតែរាប់អានគ្នាជាមិត្តភក្តិធម្មតាផងដែរ។

យ៉ាងណាមិញ ជាមួយគ្នានេះ មានជនឆ្លៀតឱកាសមួយចំនួនបានឆ្លៀតបន្លំខ្លួនជាខាងប្រុស Dawn រួចប្រឌិតរឿងនានាផុសនៅតាមបណ្តាញសង្គមថា Hyuna ជានារីមិ​នល្អ នាងកុហក​ នាងក្បត់ ទើបមានរឿងឈានដល់ការបែកបាក់គ្នាបែបនេះ។

ក្រោយពីនោះមិនបានប៉ុន្មាន​ រឿងរ៉ាវមួយនេះបានធ្វើឱ្យ Dawn ឆេះឆួលយ៉ាងខ្លាំង ហើយក៏បានមកបកស្រាយ ព្រមទាំងពន្លះជនទាំងនោះផាំងៗ នៅតាមបណ្តាញសង្គមរបស់ខ្លួនវិញថា លោកនឹងប្តឹងជនទាំងអស់នោះ ដែលបន្លំខ្លួនជាលោក ព្រមទាំងប្រឌិត និង ចែកចាយរឿងនេះឡើង។

បើសិនជាលោកចែកផ្លូវជាមួយ Hyuna ពិតមែន តែនាងនៅតែមានតម្លៃសម្រាប់លោកជានិច្ច នាងនៅតែជាតារាស្រីមួយរូប ដែលលោកស្រឡាញ់ខ្លាំងជាងគេ។ លោកសូមកុំឱ្យមានរឿងបែបនេះទៀត ហើយសូមឱ្យរៀនប្រើពេលវេលាឱ្យត្រឹមត្រូវ និង មានប្រយោជន៍ផងដែរ។ យ៉ាងណាមិញ មហាជនអ្នកគាំទ្រ ពិតជានឹកសរសើរនូវទឹកចិត្តរបស់ Dawn ដែលនៅតែការពារអតីតសង្សារ បើទោះជាមិនបានដើរផ្លូវជាមួយគ្នាទៀតក៏ដោយ៕