ធ្មេចបើកៗកូនស្រីច្បងរបស់ ម៉ារីម៉ា អាយុ ៧ ឆ្នាំបាត់ ឯសម្រស់វិញកាត់តាមម្តាយ ស្អាតគ្មានទាស់
ចាប់តាំងពីកូនស្រីច្បងរបស់កំពូលតារាសម្ដែងស្រីហ្វីលីពីន Marian Rivera បានក្លាយជាតារាវ័យក្មេងនាពេលកន្លងមក បើនិយាយអំពីសម្រស់របស់នាងតូច គឺស្អាតមិនចាញ់ម្តាយរបស់គេឡើយ។
កាលពីពេលថ្មីៗនេះ នាងតូច Zia បានធ្វើឱ្យអ្នកនិយមលេងក្នុងបណ្តាញសង្គមមានការរំជើបរំជួលយ៉ាងខ្លាំង នៅពេលដែលបានឃើញតារាស្រី Marian ជាម្ដាយបានបង្ហោះរូបថតអនុស្សាវរីយ៍ក្នុងថ្ងៃខួបកំណើតអាយុ ៧ ឆ្នាំរបស់កូនស្រីនៅលើគណនី Instagram ផ្ទាល់របស់នាង។
ឆ្លៀតក្នុងឱកាសអបអរថ្ងៃខួបកំណើតនេះដែរ Zia បានតុបតែងខ្លួនយ៉ាងគួរឱ្យស្រឡាញ់ លេងម៉ូដសក់រួញយ៉ាងស្រស់សោភា ជាមួយនឹងស្នាមញញឹមដ៏ស្រទន់ មើលកាន់យូរកាន់តែស្អាត រហូតដល់អ្នកគាំទ្រលាន់មាត់ថា Zia ធំឡើងនឹងបន្តតំណែងតារាកំពូលសម្រស់ប្រចាំហ្វីលីពីន បន្ទាប់ពីម្ដាយបង្កើតរបស់នាងគឺ Marian Rivera៕
