(វីដេអូ) ផ្ទុះចាប់អារម្មណ៍! កីឡាករបាល់ទាត់ ច្រឹង ពលរដ្ឋ ជះរាងសង្ហាច្រៀងក្នុងកម្មវិធី The Wall Song ពីរោះណាស់

មហាជនអ្នកគាំទ្រ ជាពិសេសអ្នកចូលចិត្តទស្សនាកីឡាបាល់ទាត់ប្រាកដជាធ្លាប់បានស្គាល់មកហើយពីកីឡាករ ច្រឹង ពលរដ្ឋ កីឡាករខ្សែបម្រើរបស់ក្លិបវិសាខា ដែលជាកីឡាករមួយរូបល្បីឈ្មោះក្នុងប្រទេសកម្ពុជាទទួលបានការស្រឡាញ់ចូលចិត្តគាំទ្រពីមហាជន ជាពិសេសរូបលោកក៏ឆក់បានចំណាប់អារម្មណ៍អ្នកគាំទ្រជាមួយរូបសម្រស់ស្រស់សង្ហាមានមន្តស្នេហ៍របស់លោកផងដែរ។

យ៉ាងណាមិញ កន្លងទៅមហាជនបានដឹងហើយថាកីឡាកររូបនេះមិនត្រឹមតែពូកែក្នុងវិស័យបាល់ទាត់នោះទេ តែរូលោកក៏មានសមត្ថភាពក្នុងវិស័យចម្រៀងដែលអាចច្រៀងបានយ៉ាងពីរោះផងដែរ។

ជាក់ស្ដែង ថ្មីៗនេះ អ្វីដែលធ្វើឱ្យមហាជនអ្នកគាំទ្ររបស់កីឡាករបាល់ទាត់រូបនេះកាន់តែចាប់អាម្មណ៍ និងផ្ទុះការសរសើរខ្លាំង ក្រោយពីបានឃើញលោកបង្ហាញវត្តមានក្នុងកម្មវិធី The Wall Song Cambodia ជាអ្នកច្រៀងក្រោយជញ្ជាំងដែលបកស្រាយចម្រៀងមួយបទ «ចង់វិលរកសង្សារចាស់» ពីរោះខ្លាំង ដែលក្នុងនោះលោកច្រៀងរួមជាមួយនឹងតារាចម្រៀង កែវ វាសនា។

វីដេអូនៃការបកស្រាយចម្រៀងរបស់កីឡាកររូបនេះដែរ ត្រូវបានមហាជនអ្នកគាំទ្រធ្វើការចែករំលែកពេញបណ្ដាញសង្គម ដោយភ្ជាប់នឹងពាក្យពេចន៍សរសើរជាច្រើនជាមួយនឹងសមត្ថភាពច្រៀងបានយ៉ាងពីរោះរបស់លោកផងដែរ៕

សូមទស្សនាវីដេអូខាងក្រោម៖