ផ្ទុះសង្ស័យ Aom និង គូស្នេហ៍មានដំណឹងល្អឆាប់ៗ ក្រោយអ្នកទាំងពីរបង្ហាញដំរួយច្បាស់ៗយ៉ាងនេះ

ជឿជាក់ថាប្រិយមិត្តដែលនិយមតាមដានរឿងភាគថៃភាគច្រើនមុខជាធ្លាប់បានស្គាល់ Aom Sushar តារាសម្ដែងស្រីដែលមានរាងតូចច្រឡឹង មានរូបសម្រស់ស្រស់ស្អាត ពោរពេញដោយទេពកោសល្យ និង សមត្ថភាពជាមួយបទពិសោធលើវិថីសិល្បៈថៃមកជាង ១៤ ឆ្នាំ។

បើនិយាយពីជីវិតឯកជនរបស់ Aom វិញ នាងបានទាក់ទងជាមួយគូស្នេហ៍ហាយសូរឈ្មោះថា Amp Ongkosit អស់រយៈពេលជាង ៥ ឆ្នាំមកហើយ ដោយអ្នកទាំងពីរក៏មានភាពផ្អែមល្ហែម បណ្ដើរគ្នាចេញតាមកម្មវិធី ហើយក៏មានការធ្វើដំណើរកម្សាន្តក្រៅប្រទេសរួមគ្នាផងដែរ។

យ៉ាងណាមិញ មួយរយៈក្រោយនេះគេសង្កេតឃើញថាទំនាក់ទំនងអ្នកទាំងពីរហាក់អភិវឌ្ឍន៍ឡើងថែមមួយកម្រិតទៀត ក្រោយហាយសូរ Amp បានណែនាំ Aom ឱ្យក្រុមគ្រួសារជាផ្លូវការកាលពីអំឡុងខែវិច្ឆិកា ឆ្នាំ ២០២២ កន្លងទៅនេះ។

មិនត្រឹមតែប៉ុណ្ណឹងថ្មីៗនេះ តារាស្រី Aom ក៏បាននាំគូស្នេហ៍ហាយសូរមកបង្ហាញខ្លួនជាផ្លូវការឱ្យក្រុមគ្រួសារនាងស្គាល់ផងដែរ នៅថ្ងៃខួបកំណើតឪពុករបស់នាង។

ទង្វើអ្នកទាំងពីរហាក់ធ្វើឱ្យអ្នកគាំទ្រសង្ស័យថា ពួកគេអាចនឹងមានដំណឹងល្អឆាប់ៗ ព្រោះតែគ្រួសារទាំងពីរបានទទួលស្គាល់ជាផ្លូវការ ហើយថែមទាំង Aom ធ្លាប់ធ្លោយមាត់និយាយដល់រឿងរៀបការថែមទៀត។ យ៉ាងណាមិញ មានតែរង់ចាំតាមដានការរាយការណ៍បន្ថែមនាពេលក្រោយពីគូស្នេហ៍មួយគូនេះនាពេលក្រោយ៕