សង្សារស្រី អេននី ហ្សាម មិនត្រឹមតែជាតារាចម្រៀង តែមានជំនាញពិសេសៗនេះទៀត

បើគិតមកដល់ពេលនេះ រយៈពេលជាង ២ ឆ្នាំមកហើយ ដែលតារាចម្រៀង អេននី ហ្សាម បានសាងចំណងស្នេហ៍យ៉ាងស្អិតជាមួយនឹងគូសង្សារជាស្រីដូចគ្នា។

ក្នុងនោះ ក្រោយពីបើកចំហទំនាក់ទំនងស្រឡាញ់ភេទដូចគ្នាដោយឥតលាក់លៀមហើយនោះ តារាចម្រៀង អេននី ហ្សាម និង សង្សារស្រី កាន់តែទទួលបានសុភមង្គលពីមួយថ្ងៃទៅមួយថ្ងៃ មិនចាញ់គូស្នេហ៍ប្រុសស្រីនោះឡើយ។

ជាការពិតណាស់ កន្លងមក «ប្រជាប្រិយ» ធ្លាប់បានជម្រាបទៅកាន់មហាជនទៅហើយថា សង្សារស្រីរបស់កញ្ញា អេននី ហ្សាម មានឈ្មោះថា Nona Ra ក៏ជាតារាចម្រៀងមួយរូប និង មានបទចម្រៀង Original Song ផ្ទាល់ខ្លួនជាច្រើនបទហើយដែរ។

លើសពីនោះ មិនត្រឹមតែមានទេពកោសល្យក្នុងការច្រៀង និង មានសំឡេងពីរោះនោះទេ កញ្ញា អេននី ហ្សាម ក៏បានឱ្យដឹងថា សង្សារស្រីរបស់ខ្លួន ក៏មានជំនាញសិល្បៈផ្សេងទៀតដូចជា ការសម្តែង ដឹកនាំសម្តែង និង ជា Dj ចាក់ភ្លេងទៀតផង៕