នៅចាំក្មេងប្រុសមុខស្លឺ គេល្បីយកធ្វើ Meme ទេ ឥលូវកំលោះស្ដូកមុខមាត់ប្លែកណាស់
Dieunerst Collin គឺជាឈ្មោះមួយដែលមហាជនមួយចំនួនប្រាកដជាធ្លាប់បានឮពីមុនមកហើយ រួមទាំងធ្លាប់បានឃើញមុខមាត់នៃក្មេងប្រុសដ៏ល្បីរូបនេះពាសពេញបណ្ដាញសង្គមនានាជាញឹកញាប់ផងដែរ។
ជាក់ស្ដែង កាលពីឆ្នាំ ២០១៣ កន្លងទៅ វីដេអូមួយបានផ្ទុះការចាប់អារម្មណ៍ និង ចែកចាយខ្លាំងពាសពេញបណ្ដាញសង្គមអ៊ីនធឺណែត ដែលបង្ហាញឱ្យឃើញពីក្មេងប្រុសជនជាតិស្បែកខ្មៅម្នាក់ពាក់អាវពណ៌ស កំពុងឈរតម្រង់ជួររង់ចាំទិញមាន់បំពង។ អ្វីដែលធ្វើឱ្យក្មេងប្រុសរូបនោះ ទទួលបានភាពល្បីល្បាញខ្លាំងពាសពេញបណ្ដាញសង្គម ក៏ព្រោះតែទឹកមុខស្លឺភាំងៗហាក់ភ្ញាក់ផ្អើលរបស់គេ គួរឱ្យក្នាញ់ រហូតមហាជននាំគ្នាយកទៅកាត់តធ្វើ Meme ព្រោងព្រាត។
យ៉ាងណាមិញ ក្រោយផ្ទុះភាពល្បីល្បាញរាប់ឆ្នាំមកនេះ មហាជនគ្រប់គ្នាក៏នៅចង់ដឹងថា មកទល់ពេលនេះ ខ្សែជីវិតរបស់ក្មេងប្រុសដ៏ល្បីរូបនេះទៅជាយ៉ាងណាហើយ។ បច្ចុប្បន្ន Dieunerst Collin មានអាយុ ១៨ ឆ្នាំហើយ ថែមទាំងជាកីឡាករបាល់ឱប (Rugby) ដ៏មានគុណភាពម្នាក់ផងដែរ។ Dieunerst គឺជានិស្សិតឆ្នាំទីមួយនៅឯសកលវិទ្យាល័យ Lake Erie នារដ្ឋ Ohio សហរដ្ឋអាមេរិក។
ក្រោយពេញរូបពេញរាង និង ជាកីឡាករដ៏ឆ្នើមមួយរូបហើយ មហាជនជាច្រើនក៏បានចាប់អារម្មណ៍ទៅលើមុខមាត់រូបសម្រស់របស់គេផងដែរ។ រំលងអស់ជាច្រើនឆ្នាំ មុខមាត់របស់ Dieunerst ប្រែប្រួលខ្លាំងមែនទែន។ ទោះជាយ៉ាងណា ភាពល្បីល្បាញរបស់គេ នៅតែបន្តមានអ្នកស្គាល់ស្ទើរទូទាំងពិភពលោកដដែល៕
