ប្រុសសង្ហា លឹម ជាឡាយ រៀនបរិញ្ញាបត្រផ្នែកនេះទេ តែចុងក្រោយមកធ្វើជាតារាសម្ដែងវិញ

ឈរជើងក្នុងវិស័យសិល្បៈច្រើនឆ្នាំមកនេះ តារាសម្ដែងប្រុសរូបសង្ហា លឹម ជាឡាយ បច្ចុប្បន្ននៅតែក្ដោបបានតំណែងតួឯកក្នុងខ្សែភាពយន្តផ្សេងៗ មិនថាខ្សែភាពយន្តភាគ ឬខ្សែភាពយន្តខ្នាតធំនោះទេ ព្រោះលោកមានទេពកោសល្យ ព្រមទាំងរូបរាងត្រូវប៉ាន់ជាតួឯក។

ក្រៅពីលេចធ្លោក្លាយជាតារាសម្ដែងស្ថិតក្នុងដួងចិត្តមហាជនជាច្រើនហើយនោះ បើងាកទៅមើលការសិក្សារបស់ លឹម ជាឡាយ វិញក៏មិនធម្មតាដែរ លោកគឺជានិស្សិតបញ្ចប់ថ្នាក់បរិញ្ញាបត្រ ផ្នែកហិរញ្ញវត្ថុ និង ធនាគារពីសាកលវិទ្យាល័យ ភូមិន្ទនីតិសាស្ត្រ និង វិទ្យាសាស្ត្រសេដ្ឋកិច្ច។

ដ្បិតថា លឹម ជាឡាយ រៀនចប់បរិញ្ញាបត្រផ្នែក ហិរញ្ញវត្ថុ និង ធនាគារក៏ពិតមែន ប៉ុន្ដែបច្ចុប្បន្នតារាប្រុសរូបនេះធ្វើការងារផ្ទុយស្រឡះពីជំនាញ ដោយលោកបានបោះជំហានយ៉ាងរលូននៅក្នុងវិស័យសិល្បៈ ជាពិសេសគឺវិស័យភាពយន្ត ហើយក្លាយជាតារាប្រុសជួរមុខមួយរូបដែលមានទស្សនិកជនស្រឡាញ់គាំទ្រយ៉ាងច្រើនគួរឱ្យកត់សម្គាល់៕