ល្បីល្បាញលើជំនាញច្រៀង ២០ ឆ្នាំហើយ ទូច ស្រីល័ក្ខ ទើបទម្លាយក្តីស្រមៃពិតពីក្មេងថាចង់ធ្វើអាជីពមួយនេះ

មហាជននិយមតាមដានការងារសិល្បៈរបស់តារាចម្រៀងស្រី អ្នកនាង ទូច ស្រីល័ក្ខ ច្បាស់ជាបានជ្រាបមកហើយនូវប្រជាប្រិយភាពលើវិស័យចម្រៀងរបស់អ្នកនាង ដែលឈរលើវិថីសិល្បៈប្រមាណ ២០ ឆ្នាំ មកហើយ។ ក្នុងនោះ តារាចម្រៀង ទូច ស្រីល័ក្ខ ក៏ត្រូវបានមហាជនសរសើរពីទេពកោសល្យពហុជំនាញរបស់អ្នកនាង ដោយមិនត្រឹមតែល្បីល្បាញលើផ្នែកចម្រៀងគ្រប់ទម្រង់នោះទេ តែអ្នកនាងក៏ជាសម្តែងឥតខ្ចោះមួយរូបទៀតផង។

យ៉ាងណា ថ្មីៗនេះ អ្នកនាង ទូច ស្រីល័ក្ខ ទើបតែទម្លាយពីការបោះជំហានចូលវិថីសិល្បៈរបស់អ្នកនាង ដោយដោយអ្នកនាងបានចាប់ផ្តើមលើវិថីនេះតាមរយៈការប្រកួតចម្រៀង និង ប្រឡងជាប់ជ័យលាភីផ្នែកចម្រៀងបុរាណផងដែរ។

ជាងនេះទៅទៀត ក្រោយល្បីល្បាញលើវិស័យចម្រៀងរយៈពេលប្រមាណ ២០ ឆ្នាំ នេះ អ្នកនាង ទូច ស្រីល័ក្ខ ក៏ទើបតែទម្លាយពីក្តីស្រមៃរបស់ខ្លួនកាលពីតូចប្រាប់មហាជនផងដែរថា អ្នកនាងចង់ក្លាយទៅជាពិធីការិនី។ លើសពីនោះ អ្នកនាង នឹងត្រៀមបង្ហាញការងារថ្មីនៃការផលិតដោយខ្លួនអ្នកនាងផ្ទាល់ទៀតផង៕