(វីដេអូ) ជាតារាល្បីដែរ Nikki បែកញើសជោគពេលសុំរៀមច្បង ឱក សុគន្ធកញ្ញា ជា Idol ថតរូប

ជាការពិតណាស់ កន្លងមកមហាជននិយមគាំទ្រតារាចម្រៀង Original Song កញ្ញា Nikki Nikki ច្បាស់ជាបានជ្រាបមកហើយពីស្ទីលនៃការបង្ហាញខ្លួនរបស់នាងនៅលើឆាក ដោយនាងត្រូវបានមហាជនចាត់ទុកថា ជាតារាស្រីដែលនិយមលេងស្ទីលបែបបរទេស។ លើសពីនោះ កន្លងមក កញ្ញា Nikki Nikki ក៏រមែងបង្ហាញពីតារាក្នុងដួងចិត្ត ពោលគឺ Idol របស់នាង ក៏សុទ្ធសឹងតែជាតារាក្រៅប្រទេសទៀតផង។

យ៉ាងណា ក្រឡេកមកមើលតារានៅក្នុងស្រុកវិញ កញ្ញា Nikki Nikki ក៏មានតារាក្នុងដួងចិត្តរបស់នាងជាច្រើនរូបដែរ ដោយក្នុងនោះរួមមាន តារាចម្រៀងរៀមច្បង ឱក សុគន្ធកញ្ញា ជាដើម។

ជាក់ស្តែង ថ្មីៗនេះ Nikki Nikki បានបង្ហោះវីដេអូមួយ ដែលនាងបានជួបនឹង អ្នកនាង ឱក សុគន្ធកញ្ញា ដោយចៃដន្យនៅកន្លែងញុំាអាហារ ហើយនាងចង់សុំរៀមច្បងថតរូបជាអនុស្សាវរីយ តែបែរជាភ័យញ័រដៃ ញ័រជើង បែកញើសជោគទៅវិញ។

ក្នុងវីដេអូនោះ កញ្ញា Nikki Nikki ក៏បានឱ្យដឹងថា រយៈពេល ១៤ ឆ្នាំ លើវិស័យសិល្បៈ គឺនាងបានជួប អ្នកនាង ឱក សុគន្ធកញ្ញា បាន ២ លើកតែប៉ុណ្ណោះ។ ជាងនេះទៅទៀត មូលហេតុ ដែលនាងមានប្រតិកម្មដល់ថ្នាក់ចង់យំផងអីផងបែបនេះ ក៏ព្រោះតែអ្នកនាង ឱក សុគន្ធកញ្ញា ជាតារាចម្រៀងក្នុងដួងចិត្តរបស់នាង ដែលនាងបានច្រៀងចម្រៀងរបស់អ្នកនាង ឱក សុគន្ធកញ្ញា តាំងពីក្មេងមក។

តស់! ចង់ដឹង Nikki Nikki មានសកម្មភាពយ៉ាងណា សូមទស្សនាវីដេអូខាងក្រោម៖