មួយប៉ប្រិចភ្នែក! ក្រុមចម្រៀងរ៉េបស្រករក្រោយម្ចាស់បទ «អូនបែកលេង ឬក៏បងបែកង៉ាង» ផ្ទុះខ្លាំងមិនគួរឱ្យជឿ
ថ្មីៗនេះមហាជន ជាពិសេសយុវវ័យនិយមលេងបណ្តាញសង្គម Tik Tok ច្បាស់ជាអូសមិនផុតឡើយ នូវសំឡេងបទចម្រៀងមួយបទមានចំណងជើងថា «អូនបែកលេង ឬក៏បងបេកង៉ាង» ដោយមានអ្នកលេងជាច្រើនបានយកបទចម្រៀងនេះ ទៅធ្វើត្រាប់មាត់តាម។ បទចម្រៀង «អូនបែកលេង ឬក៏បងបែកង៉ាង» នេះ ក៏មានការបកស្រាយដោយលោក RAKSA លោក Vitkit និង លោក $pider ដែលជាតារាចម្រៀងរ៉េបស្រករក្រោយផងដែរ។
តារាចម្រៀងរ៉េបស្រករក្រោយ ៣ រូបខាងលើនេះ មិនត្រឹមតែទទួលបានភាពល្បីល្បាញតែបទ «អូនបែកលេង ឬក៏បងបែកង៉ាង» នោះទេ តែលោកនៅមានសមាជិកក្រុម ២ រូបផ្សេងទៀត រួមមានលោក Van Rehh និង លោក Ah Thana BK ក៏បានចេញចម្រៀងរួមគ្នាជាច្រើនបទ និង ផ្ទុះការគាំទ្រដូចគ្នាដែរ។
ជាការពិត បើលើកពីជំហាននៃការចាប់ផ្តើមលើវិថីសិល្បៈ លោក RAKSA គឺជាអ្នកចាប់ផ្តើមប្រឡូកមុនគេតាំងពីប្រមាណ ៣ ឆ្នាំមុន ដោយលោកបានច្រៀងចម្រៀង Cover ពីតារាល្បីៗរបស់កម្ពុជា។ ក្រោយមកមិនយូរប៉ុន្មាន លោក RAKSA ក៏បានផលិតបទចម្រៀងផ្ទាល់ខ្លួន និង សម្រុកផលិតបទចម្រៀងរ៉េបរយៈពេលប្រមាណ ១ ឆ្នាំ ចុងក្រោយនេះទាំងទោល និង ជាក្រុម។ មិនត្រឹមតែប៉ុណ្ណោះ ត្រឹមរយៈពេលខ្លីតារាចម្រៀងរ៉េបស្រករក្រោយ លោក RAKSA លោក Vitkit លោក $pider លោក Van Rehh និង លោក Ah Thana BK ក៏បានផ្ទុះការគាំទ្រយ៉ាងខ្លាំងពីយុវវ័យ រហូតក្រុមនេះមានអញ្ជើញចូលរួមឡើងកម្មវិធីប្រគំតន្ត្រីជាបន្តបន្ទាប់៕
