(វីដេអូ) យូរៗបានជួប ថេណា រៀមច្បងម្ដង តិចម៉េង និង ភិទិ នាំគ្នាសុំថតរូបបង្ហាញក្ដីគោរពស្រឡាញ់

ថ្មីៗនេះ វីដេអូបង្ហាញពីសកម្មភាពក្រៅឆាកមួយរបស់តារាចម្រៀងរូបសង្ហា ៣ ដួង ដែលសុទ្ធសឹងជា Idols ក្នុងដួងចិត្តមហាជន រួមមាន ថេណា, លីម តិចម៉េង និង កំលោះសម្បូរស្នេហ៍ ថុល សុភិទិ កំពុងត្រូវបានមហាជនអ្នកលេងបណ្ដាញសង្គម Tiktok ផ្ទុះការចាប់អារម្មណ៍នាំគ្នាចែករំលែកព្រោងព្រាត។

ជាការពិត សកម្មភាពក្រៅឆាកនោះបានក្លាយចំណីអារម្មណ៍របស់មហាជនជាច្រើន ព្រោះថាក្នុងវីដេអូនោះ តិចម៉េង និង សុភិទិ កំពុងបណ្ដើមគ្នាថតរូបជាមួយតារាចម្រៀង ថេណា ម្ដងម្នាក់ ព្រោះពួកគេលើកឡើងថា កម្របានជួបរៀមច្បង ថេណា ណាស់ បើបានជួបហើយត្រូវថតរូបទុកជាអនុស្សាវរីយ៍។

កន្លងមកប្រិយមិត្តភាគច្រើនបានជ្រាបហើយថា មិនថា លីម តិចម៉េង ឬ ថុល សុភិទិ ទេ តែងត្រូវបានមហាជនចាត់ទុកជាកំពូលមនុស្សដែលពូកែលេងសើច ប្រើពាក្យសម្ដីកំប្លុកកំប្លែងធ្វើឱ្យមហាជនកាន់តែពេញចិត្តចំពោះអត្តចរិតស្មោះត្រង់ ក៏ដូចជាទំនាក់ទំនងយ៉ាងជិតស្និទ្ធរបស់ពួកគេ។

លើកនេះក៏ដូចជា កាយវិការដណ្ដើម ថេណា ដើម្បីថតរូបបានមុនរវាង ភិទិ និង តិចម៉េង ដ្បិតថាសាមញ្ញ តែបានបង្ហាញពីការរាប់អានយ៉ាងជិតដិតរវាងគ្នានឹងគ្នា។ សូមចុចទីនេះដើម្បីទស្សនាវីដេអូ ៖