ស្ទើរមិនជឿ! Sam ជិះទូកលេងតាមទន្លេចៅផ្រះយ៉ានិយាយរំឭកដល់ Tangmo ស្រាប់តែកើតរឿងនេះឡើងភ្លាម
ពិតជារឿងមួយដ៏គួរឱ្យភ្ញាក់ផ្អើល និង ព្រឺសម្បុរជាខ្លាំងសម្រាប់តារាប្រុស Sam Yuranunt ខណៈដែលជិះទូកលេងកម្សាន្តជាមួយនឹងមិត្តភក្តិតាមដងទន្លេចៅផ្រះយ៉ា ស្រាប់តែទូករលត់ម៉ាស៊ីនមិនអាចបរទៅមុខបានក្រោយពីលោក និង មិត្តភក្តិនាំគ្នានិយាយរំឭកដល់ឈ្មោះតារាស្រី Tangmo Nida ដែលស្លាប់ដោយសារការធ្លាក់ពីលើទូក កាលពីថ្ងៃ ២៤ ខែកុម្ភៈ ឆ្នាំ ២០២២ កន្លងទៅ។
សម្រាប់ហេតុការណ៍នេះ អាចជារឿងទាក់ទងនឹងអប្បិយជំនឿដែលមានមហាជនខ្លះទទួលជឿ និង មហាជនខ្លះទៀតអាចនឹងមិនជឿឡើយ។ បើតាមការរៀបរាប់ពីតារាប្រុស Sam បានឱ្យដឹងថា លោក និង មិត្តភត្តិបានជិះទូកលេងកម្សាន្តគយគន់ទេសភាពដងទន្លេជាមួយនឹងមិត្តភក្តិ ហើយពេលដែលជិះទូកនោះ លោកក៏បានឆ្លងកាត់ភោជនីយដ្ឋានមួយកន្លែងដែលតារាស្រី Tangmo ចូលញ៉ាំអាហារមុនពេលកើតហតុធ្លាក់ទូកស្លាប់។
ក្នុងគ្រានោះ លោកក៏បាននិយាយពិចារណាជាមួយនឹងមិត្តភក្តិថា តើតារាស្រី Tangmo ពិតជាស្លាប់ដោយឧប្បត្តិវហេតុបែបនេះមែនឬ? រំពេចនោះ រឿងនឹកស្មានមិនដល់ក៏បានកើតឡើងគ្រាន់តែនិយាយចប់ពីតារាស្រី Tangmo ភ្លាម ទូករបស់លោកក៏បានរលត់ភ្លែត ដោយពុំមានមូលហេតុឡើយ សូម្បីតែអ្នកបរទូកចុះត្រួតពិនិត្យក៏ពុំឃើញថាមានបញ្ហាអ្វីដែរ។
ស្ថិតក្នុងកាលៈទេសៈនោះ តារាប្រុស Sam ពិតជាភ័យជាខ្លាំង ព្រោះនៅលើទូកអស់ ១ ម៉ោង ព្យាយាមទាក់ទងទៅក្រុមការងារទូកមកជួយក៏មិនបាន គ្មាននរណាទទួលទូរស័ព្ទឡើយ។ ភ្លាមៗនោះ លោក Sam នឹកឃើញថា លោកបាននិយាយពី Tangmo ហើយលោកក៏បានបន់ស្រន់ចំពោះតារាស្រីរូបនេះ រំពេចនោះ អ្វីៗក៏បានប្រែមកធម្មតាវិញ គឺលោកនឹងមិត្តភក្តិអាចទាក់ទងឱ្យក្រុមការទូកមកយកជួយបានរហូតមកដល់ត្រើយវិញយ៉ាងមានសុវត្ថិភាព។
ដោយឡែក ងាកទៅមើលអ្នកគាំទ្រវិញ ក្រោយពីឃើញវីដេអូតារាប្រុស Sam បង្ហោះបែបនោះម្នាក់ៗក៏មានការភ្ញាក់ផ្អើលខ្លាំងដែរ ដោយបានចូលទៅមើលធ្វើឱ្យចំនួនអ្នកទស្សនាក្នុងវីដេអូ Tik Tok នោះជិតខ្ទង់លាននាក់ឯណោះ៕
សូមចុចទីនេះដើម្បីទស្សនាវីដេអូ៖
