(វីដេអូ) ផ្អើលអ្នកគាំទ្រ! លេចវត្តមាន La Cima Cartel សម្ដែងរួមគ្នាជាមួយ DJ Wukong យ៉ាងកក្រើកឆាក

កាលពីថ្ងៃទី ១១​ ខែកុម្ភៈ ឆ្នាំ ២០២៣ កន្លងទៅ មហាជនអ្នកនិយមចម្រៀងហ៊ីបហប និង ភ្លេងកន្រ្តាក់បែប EDM មានការភ្ញាក់ផ្អើលជាខ្លាំង ក្រោយឃើញវត្តមានរបស់ក្រុម La Cima Cartel ដែលជាក្រុមចម្រៀងមួយកំពុងទទួលបានការគាំទ្រយ៉ាងគគ្រឹកគគ្រេងពីសំណាក់យុវវ័យបច្ចុប្បន្ន បានឡើងសម្ដែងរួមគ្នាជាមួយនឹង DJ រូបសង្ហាមកពីប្រទេសសិង្ហបុរី Wukong ក្នុងព្រឹត្តិការណ៍តន្រ្តីដ៏ធំមួយក្នុងទីក្រុង ភ្នំពេញ។

នារាត្រីនោះ វត្តមានរបស់ម្ចាស់បទចម្រៀង «០០៧» លោក Rakhie បានចេញមកបង្ហាញមុខដំបូងគេ បន្ទាប់មកក៏មានសមាជិកផ្សេងៗទៀតដូចជា លោក Meezy លោក Tomie និង លោក Dizzy បានចេញមកម្ដងម្នាក់ៗ ធ្វើឱ្យអ្នកដែលបានចូលរួមផ្ទាល់ ស្រែកហ៊ោយ៉ាងកក្រើកពេញកម្មវិធីតែម្ដង។

មិនតែប៉ុណ្ណោះ ទាំងក្នុងកំឡុងពេលនៃការសម្ដែង ព្រមទាំងបន្ទាប់ពីសម្ដែងរួចមក គេសង្កេតឃើញមានភាពស្និទ្ធស្នាលយ៉ាងខ្លាំង រវាងក្រុមចម្រៀងរបស់ខ្មែរយើង រួមជាមួយនឹង DJ ដ៏ល្បីរបស់ប្រទេស សិង្ហបុរី ដែលធ្វើឱ្យអ្នកគាំទ្រជាច្រើនសង្ឃឹមថានឹងមានការសហការណ៍ជាមួយគ្នាបន្ទាប់ៗទៀត។

គួរឱ្យដឹងផងដែរថា នេះជាភាពរីកចម្រើនមួយកម្រិតទៀតនៃវិស័យហ៊ីបហប ក្នុងប្រទេសរបស់យើង ដែលមានវត្តមានរបស់សិល្បករខ្មែរ ឡើងសម្ដែងលើឆាកលំដាប់អន្តរជាតិបែបនេះ៕

រីករាយទស្សនាវីដេអូខាងក្រោម៖

ចុចទីនេះដើម្បីទស្សនាវីដេអូបន្ថែមទៀត

ប្រភពរូបភាព៖ DND Image & Hanuman Beer