ស្ងាត់ៗ Suga ទម្លាក់ Concert Tour ជុំវិញពិភពលោក ១០ ទីក្រុង ផ្អើលអស់អ្នកគាំទ្រ
នារាត្រីថ្ងៃទិវានៃសេចក្ដីស្រឡាញ់ ពោលគឺនៅថ្ងៃទី ១៤ ខែកុម្ភៈ ឆ្នាំ២០២៣ (ម៉ោងនៅកម្ពុជា) បណ្ដាញសង្គមផ្លូវការជាច្រើនរបស់ BIGHIT MUSIC បានបង្ហោះរូបផ្ទាំង Concert Tour របស់ Suga សមាជិក BTS ធ្វើឱ្យអ្នកគាំទ្រស្ទើរពាសពេញពិភពលោកមានការភ្ញាក់ផ្អើលជាខ្លាំង។
ដោយក្នុងផ្ទាំងរូបភាពនោះ បានឱ្យដឹងថា Suga នឹងធ្វើ Concert Tour ក្រោមឈ្មោះថា «Agust D TOUR» នឹងធ្វើឡើងចំនួន ១០ ទីក្រុង ជាមុន ជុំវិញពិភពលោកក្នុងកាលបរិច្ឆេទផ្សេងៗគ្នា។ យ៉ាងណាមិញ ចំពោះ ១០ ប្រទេស/រដ្ឋ ដែល «Agust D TOUR» បានដាក់ក្នុងកាលវិភាគដែលបានកំណត់នោះមានដូចជា៖ សហរដ្ឋអាមេរិក និង ប្រទេសក្នុងតំបន់អាស៊ី។
ក្នុងនោះ រដ្ឋ និង ទីក្រុងក្នុងសហរដ្ឋអាមេរិក នឹងធ្វើឡើងនៅដូចជា Belmont Park ក្នុងទីក្រុង Elmont រដ្ឋ New York ទីក្រុង Newark ក្នុងរដ្ឋ New Jersey ទីក្រុង Los Angeles និង ទីក្រុង Oakland រដ្ឋ California។
ចំណែកឯ ប្រទេសក្នុងតំបន់អាស៊ីវិញ មានដូចជា៖ ទីក្រុងចាកាតា ប្រទេសឥណ្ឌូនេស៊ី, ទីក្រុងបាងកក ប្រទេសថៃ, ប្រទេសសិង្ហបុរី, ទីក្រុងសេអ៊ូល ប្រទេសកូរ៉េខាងត្បូង និង ប្រទេសជប៉ុន៕
