(វីដេអូ) វត្តី ច្រៀងបទ «លួចស្នេហ៍ដួងច័ន្ទ» របស់ ថេណា ថែមឆ្លៀតធ្វើកាយវិការរស់រវើកអស់ស្ទះ
ប្រិយមិត្តដែលចូលចិត្តតាមដានពីសកម្មភាពរបស់ Miss Grand Cambodia 2022 កញ្ញា ពេជ្រ វត្តីសារ៉ាវឌ្ឍី កំពុងនាំគ្នាបញ្ចេញយោបល់លេងសើចព្រោងព្រាតពេញបណ្ដាញសង្គម Tiktok ក្រោយមានគណនីមួយ បានថតកាយវិការច្រៀងរាំគួរឱ្យចាប់អារម្មណ៍របស់ វត្តី បង្ហោះលើគណនី Tiktok បង្ហាញឱ្យអ្នកគាំទ្របានឃើញ។
ស្រីស្អាតម្ចាស់មកុដលំដាប់រងទី ៥ ក្នុងកម្មវិធីប្រកួតសម្រស់ដ៏ធំ Miss Grand International 2022 រូបនេះ បានបង្ហើរសំឡេងច្រៀងបទរបស់ ថេណា ក្រោមចំណងជើង «លួចស្នេហ៍ដួងច័ន្ទ» ព្រមទាំងលាយឡំជាមួយសំណើចផង ហើយឆ្លៀតធ្វើកាយវិការរាំយ៉ាងល្វតល្វន់ កាច់ចង្កេះដ៏ទន់ បង្កើតជាចំណាប់អារម្មណ៍ដល់អ្នកគាំទ្រព្រាត។
ឃើញចរិតរួសរាយរាក់ទាក់នៅក្នុងជីវិតពិតរបស់ MGC 2022 ពេជ្រ វត្តីសារ៉ាវឌ្ឍី កាន់តែធ្វើឱ្យមហាជនអ្នកគាំទ្រស្រីស្អាតរូបនេះ ពេញចិត្តពេញថ្លើមចំពោះរូបនាង មិនថាសមត្ថភាព ទេពកោសល្យ ចំណេះដឹង រូបសម្រស់ទេ តែលើសពីនេះ វត្តី ក៏ពូកែលេងសើចឱ្យអ្នកជុំវិញខ្លួនសើចសប្បាយថែមទៀត។ សូមចុចទីនេះដើម្បីទស្សនាវីដេអូ ៖
