ធ្វើបុណ្យទាន់ខែភ្លឺ! Nadech កូនកតញ្ញូ ចេញលុយសង់ផ្ទះយ៉ាងធំប្រណីតជូនម្តាយរស់នៅពេលចាស់

រង់ចាំមកជាង ១ ឆ្នាំ សម្រាប់តារាសម្ដែងប្រុស Nadech kugimiyas និង អ្នកម្តាយ ទីបំផុតផ្ទះក្នុងក្តីស្រមៃបានសាងសង់រួចរាល់ជាស្ថាពរហើយ ដោយកាលពីថ្មីៗកន្លងទៅនេះ អ្នកកំលោះ Nadech បានរៀបចំពិធីឡើងផ្ទះថ្មីយ៉ាងគគ្រឹកគគ្រេង ហើយក៏មានការចូលរួមពីញាតិមិត្តតារាប្រុសរូបនេះផងដែរ។

តារាប្រុស Nadech ជាកូនប្រុសកតញ្ញូដែលតែងគិតពីសុខទុក្ខអ្នកមានគុណរហូត ហើយពេលនេះលោកក៏បានសម្រេចក្តីស្រមៃដែរ។ បើនិយាយពីអារម្មណ៍អ្នកម្តាយរបស់ Nadech វិញ ក្រោយឃើញផ្ទះសាងសង់រួចរាល់ លោកស្រី Keaw ពិតជារំភើបចិត្តខ្លាំង ដោយបានជូនពរជ័យទៅតារាប្រុស Nadech ឱ្យទទួលបានក្តីសុខរកស៊ីមានបានថែមទៀតផង។

ដោយឡែក បើងាកទៅមើលទិដ្ឋភាពផ្ទះវិញ គឺមានការសាងសង់យ៉ាងប្រណីតដោយផ្ទះមួយខ្នងនេះរចនាបែបបុរាណលាយសម័យ មានការបំពាក់នូវគ្រឿងបរិក្ខារបែបទំនើប និង រៀបចំសួនច្បារពណ៌បៃតងខ្ចីដូចកម្រាលព្រំដែលធ្វើឱ្យអ្នកគាំទ្រឃើញហើយសុទ្ធតែលាន់មាត់សរសើរថាស្រស់ស្អាត និង គួរឱ្យចង់រស់នៅខ្លាំងណាស់៕