(វីដេអូ) សង្ហាណាស់! នីកូ គ្រងឈុត បញ្ចេញទេពកោសល្យរាំរបាំក្ងោកយ៉ាងជំនាញទាក់ភ្នែក

ថ្មីៗនេះ មហាជនអ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រតារាចម្រៀងវ័យក្មេង លោក នីកូ កំពុងផ្ទុះការសរសើរ និង ចែករំលែកតៗគ្នានូវ MV ថ្មីរបស់លោកគឺបទ «រាំរង្វើល» ដើម្បីត្រៀមអបអរសម្រាប់ឱកាសបុណ្យចូលឆ្នាំខ្មែរប្រពៃណីជាតិខាងមុខនេះ។ ក្នុងនោះ MV ថ្មី របស់ លោក នីកូ មិនត្រឹមតែពីរោះ និង ស័ក្តិសមក្នុងការរាំកម្សាន្តសម្រាប់ឆ្នាំថ្មីនោះទេ តែក្រឡេកទៅមើលតួសម្តែងទាំងប្រុសស្រីក្នុង MV គឺសុទ្ធសឹងតែជាតារាវ័យក្មេងមានសម្រស់ស្រស់សង្ហា ស្រស់សោភាថែមទៀតផង។

ស្របពេលមានការចូលរួមសម្តែងពីសិល្បករ សិល្បការិនីស្រស់សង្ហា ស្រស់សោភាយ៉ាងច្រើន MV «រាំរង្វើល» របស់លោក នីកូ កំពុងផ្ទុះការសរសើរយ៉ាងខ្លាំង ដោយតារាចម្រៀងប្រុសវ័យក្មេងប្អូនពៅត្រកូល «ណុប» រូបនេះ បានដាក់បញ្ចូលរបាំបុរាណ និង ល្បែងប្រជាប្រិយខ្មែរចូលក្នុងការសម្តែងផងដែរ។ ក្នុងនោះ រួមមានរបាំក្ងោក របាំគោះត្រឡោក របាំឆៃយុំា ល្បែងទាញព្រ័ត្រ និង ល្បែងវាយក្អម ជាដើម។

មិនត្រឹមតែប៉ុណ្ណោះ លោក នីកូ ក៏បានគ្រងឈុត និង រាំរបាំក្ងោកដោយខ្លួនឯងផ្ទាល់ មើលទៅយ៉ាងស័ក្តិសម និង ស្ទាត់ជំនាញថែមទៀតផង៕

សូមទស្សនាវីដេអូខាងក្រោម៖