(វីដេអូ) តន់ ច័ន្ទសីម៉ា សមត្ថភាពខ្លាំង មានឱកាសច្រៀងប៉ះរៀមច្បងសុទ្ធតែជាកំពូលតារាចម្រៀង

មហាជនអ្នកគាំទ្រតារាចម្រៀងវ័យក្មេង តន់ ច័ន្ទសីម៉ា ច្បាស់ជាបានដឹងច្បាស់មកហើយពីប្រជាប្រិយភាពរបស់កញ្ញា ដែលត្រូវបានគេចាត់ទុកថាជាតារាស្រីស្រករក្រោយមែន តែមានសមត្ថភាពឆក់បានប្រជាប្រិយភាពខ្លាំងលើវិស័យចម្រៀង។ លើសពីនោះ អតីតបេក្ខភាពនៃកម្មវិធី «The Voice Cambodia» រូបនេះ ក៏កំពុងតែជាគ្រាប់ពេជ្រមួយគ្រាប់របស់ផលិតកម្មហ្គាឡាក់ស៊ី ណាវ៉ាត់ត្រា ទៀតផង។

ជាការពិត ជ្រកក្រោមទ្រនំជាមួយនឹងតារាចម្រៀងរួមជំនាន់ និង រៀមច្បងជាច្រើន កញ្ញា តន់ ច័ន្ទសីម៉ា ក៏ត្រូវបានអ្នកគាំទ្រលាន់មាត់ថា នាងពិតជាមានសមត្ថភាព និង ទេពកោសល្យខ្លាំង ដែលអាចឈានរហូតបានចាប់ដៃគូចម្រៀងជាមួយនឹងកំពូលតារាចម្រៀងផ្នែកបុរសជារៀមច្បង រួមមាន ឧកញ៉ា ព្រាប សុវត្ថិ ឧកញ៉ា ខេមរៈ សិរីមន្ត និង លោក ខេម ជាដើម។

ជាក់ស្តែង កន្លងមកកញ្ញា តន់ ច័ន្ទសីម៉ា បានបង្ហាញស្នាដៃច្រៀងរួមគ្នានឹងរៀមច្បងទាំង ៣ ខាងលើ នូវបទចម្រៀងឆ្លងឆ្លើយរួចជាស្រេចហើយ តែថ្មីៗនេះ កញ្ញា តន់ ច័ន្ទសីម៉ា បានបង្ហាញសមត្ថភាពច្រៀងចម្រៀងរួមគ្នាជាក្រុមនឹង ឧកញ៉ា ព្រាប សុវត្ថិ ឧកញ៉ា ខេមរៈ សិរីមន្ត និង លោក ខេម ក្នុងបទតែមួយ ដើម្បីត្រៀមបង្ហាញក្នុងកម្មវិធី Sea Game 2023 ដែលកម្ពុជា ជាម្ចាស់ផ្ទះនាពេលខាងមុខនេះ៕

វីដេអូ៖ ឧកញ៉ា យឹម តាស្រង់