មិនត្រឹមពូកែសម្ដែង តែ Suzy នៅមានជំនាញឆ្នើមមួយទៀត ធ្វើឱ្យអ្នកគាំទ្រឃើញភ្ញាក់ផ្អើល
កាលពីពេលកន្លងទៅនេះ តារាសម្ដែងស្រី Suzy បានបង្ហោះវីដេអូ Vlog របស់នាងបង្ហាញអំពីសកម្មភាពមួយចំនួន ដោយដាក់ចំណងជើងនៅលើវីដេអូនោះថា៖ «Do you want to draw with me»។
ទាក់ទងនឹងមូលហេតុដែលតារាស្រីរូបនេះ ចាប់យកជំនាញគូរ ដោយសារតែការគូររូបគឺជាចំណូលចិត្តរបស់នាងជាយូរមកហើយ ដោយ Suzy បាននិយាយថា៖ «នេះគ្រាន់តែជាចំណូលចិត្តរបស់ខ្ញុំប៉ុណ្ណោះ។ អ្នកទាំងអស់គ្នា មិនបាច់ចាំដល់តែពូកែនោះទេ ធ្វើដូចខ្ញុំពេលនេះគឺមានអារម្មណ៍ថាស្រួលខ្លួនណាស់។ ជាការពិតណាស់ នៅពេលអ្នកចាប់ផ្តើមគូរ អ្វីដែលចង់គូរនោះគឺជារឿងដ៏ល្អមួយ យល់ស្របជាមួយនឹងខ្លួនឯង ដូច្នេះមិនមានអ្វីត្រូវតានតឹងនោះទេ»។
បន្ទាប់ពីបានឃើញវីដេអូ Vlog របស់ Suzy ហើយ ក្រុមអ្នកគាំទ្ររបស់នាងបានសម្ដែងការភ្ញាក់ផ្អើលនឹកស្មានមកដល់ ហើយថែមទាំងប្រៀបធៀបរូបគំនូររបស់នាង នៅក្នុងកម្មវិធីកម្សាន្តដែល Suzy ធ្លាប់បង្ហាញនាពេលកន្លងមកថា៖ «ហេតុអ្វីបានជាស្រីស្អាត Suzy ពូកែគូរយ៉ាងនេះ?», «នាងពិតជាមានជំនាញច្រើនយ៉ាងណាស់» និងផ្សេងៗទៀតនិយាយថា៖ «Suzy ចូលចិត្តគូររូប ទើបជាទឹកដៃគូរចេញមកល្អបែបនេះ»៕
