មិនបាច់ឆ្ងល់ SK សម្រស់ស្អាតដូចគំនូរកាត់រកអ្នកណាទេ មើលតែមុខមាត់ប៉ាម៉ាក់នាងដឹងហើយ ស្រស់ស្អាតណាស់

ប្រិយមិត្តសុទ្ធតែជ្រាបហើយពីតារាស្រីពន្លកថ្មី SK ដែលមានឈ្មោះពិតថា ទាង រតនៈ មួយរយៈចុងក្រោយនេះ ឃើញថានាងហាក់មានសន្ទុះប្រជាប្រិយភាពខ្លាំងតាមរយៈការសម្ដែងរឿងខ្លីៗជាច្រើនដែលជាស្នាដៃផលិតដោយតារាចម្រៀង STEP។

លើសពីនេះ ថ្មីៗកន្លងទៅ SK ចាប់អារម្មណ៍ឃើញថាមិនត្រឹមតែមានទេពកោសល្យប៉ិនប្រសប់ក្នុងវិស័យសម្ដែងនោះទេ នាងថែមទាំងអាចចេះច្រៀងបានយ៉ាងពីរោះទៀត ដែលបទចម្រៀងដំបូងរបស់នាង «រក្សាគម្លាត» កំពុងតែផ្ទុះការគាំទ្រខ្លាំងពីមហាជន ដែលឃើញមានការចែករំលែកពេញបណ្ដាញសង្គមទាំងក្នុង TikTok និងហ្វេសប៊ុកផងដែរ។

ម៉្យាងវិញទៀត ស្រីស្អាតរូបនេះ មិនត្រឹមតែពូកែសម្ដែង និងច្រៀងពីរោះនោះទេ នាងក៏តែងឆក់បានការចាប់អារម្មណ៍ពីមហាជនជាមួយរូបសម្រស់ដ៏ស្រស់ស្អាត ស្នាមញញឹមស្រស់ មានភាពក្រមិចក្រមើមគួរឱ្យស្រឡាញ់ ដែលបានយកបេះដូងអ្នកទស្សនា ជាពិសេសអ្នកគាំទ្របុរសៗលង់ស្រឡាញ់ បាក់ចិត្តមិនតិចនោះទេ ជាមួយនឹងសម្រស់ដ៏មានមន្តស្នេហ៍របស់នាង។

ដោយឡែក បើនិយាយផ្ដោតពីរូបសម្រស់របស់តារាស្រីរូបនេះ មហាជនដែលតែងចូលចិត្តតាមដាន និង សរសើរពីនាងកន្លងមក ពេលនេះហាក់លែងងឿងឆ្ងល់ទៀតហើយថានាងស្រស់ស្អាតកាត់ទៅណា ដោយថ្មីៗនេះ លើបណ្ដាញសង្គមហ្វេសប៊ុករបស់ស្រីស្អាត SK បានបង្ហោះរូបភាពជាមួយលោកប៉ាអ្នកម៉ាក់ធ្វើឱ្យមហាជនចាប់ភ្លឹកជាខ្លាំង ព្រោះតែឃើញទាំងម៉ាក់ទាំងប៉ារបស់នាងមានរូបសម្រស់ស្រស់ស្អាត និង សង្ហាមិនធម្មតាទេ៕