កូនស្រីភ្លោះបងរបស់ ឈិត សុជាតា គឺនាងតូច Apple ធំឡើងស្រស់ស្អាតណាស់ មើលមុខឱ្យច្រមិចៗ

មួយរយៈចុងក្រោយនេះ ពិធីការិនី និង ជាតារាសម្ដែងសម្បូរដោយប្រជាប្រិយភាព អ្នកនាង ឈិត សុជាតា បានបាត់មុខពីវិស័យសិល្បៈស្ងាត់ឈឹង ពោលគឺចាប់តាំងពីអ្នកនាងមានស្វាមី និង សម្រាលបានកូនភ្លោះប្រុសស្រីដ៏ឆ្លាតៗ គួរឱ្យស្រឡាញ់ដល់ទៅពីរនាក់មក។

ការស្ងប់ស្ងាត់ពីអាជីពសិល្បៈរបស់តារាសម្ដែង ឈិត សុជាតា បានធ្វើឱ្យមហាជនអ្នកគាំទ្រជាច្រើនយល់ថា ទំនងជានាងចង់យកពេលវេលាទៅមើលថែក្រុមគ្រួសារ ជាពិសេសកូនភ្លោះដ៏គួរឱ្យស្រឡាញ់ទាំងពីររបស់នាងផង ម្យ៉ាងទៀតប្រហែលជានាងចង់ងាកមកពង្រឹងមុខរបររកស៊ីផង។

និយាយដល់ជីវិតឯកជនរបស់ ឈិត សុជាតា ភ្លេចត្រចៀកតែប៉ុន្មានឆ្នាំសោះ ពេលនេះកូនភ្លោះប្រុសស្រីទាំង ២ របស់តារាស្រីរូបនេះ បានធំធាត់ឡើងប្រកបដោយសុខភាពល្អ ថែមទាំងស្រស់ស្អាតស្រស់សង្ហាមិនខុសពីអ្នកម៉ាកឡើយ។

ជាក់ស្ដែងថ្មីៗកន្លងទៅនេះ ឈិត សុជាតា បានតុបតែងខ្លួនបែបប្រពៃណីឱ្យកូនស្រីបណ្ដូលចិត្ត ស្លៀកទៅចូលរួមលេងកម្សាន្តសង្រ្កាន្តនៅសាលារៀនរបស់គេ ឃើញថានាងតូច Apple ពេលនេះ កាន់តែធំពេញរូបពេញរាង ចំណែកមុខមាត់ក៏ស្អាតគួរឱ្យស្រឡាញ់ណាស់៕