ល្បីមែន! បទចម្រៀង «កំលោះស្រុកខ្មែរ» របស់ វណ្ណថាន និង វណ្ណដា ជាប់ Top 1 ក្នុងស្រុក និង ចូល Top ពិភពលោកទៀត

កាលពីល្ងាចថ្ងៃទី ៧ ខែមេសា ឆ្នាំ ២០២៣ កន្លងទៅ លោក វណ្ណថាន ដែលតន្រ្តីករឧបករណ៍ភ្លេងខ្មែរយ៉ាងចំណាន និង ជាតារាចម្រៀងមួយរូប បានចេញបទចម្រៀងមួយបទច្រៀងរួមគ្នាជាមួយកំពូលតារារ៉េប វណ្ណដា មានចំណងជើងថា «កំលោះស្រុកខ្មែរ»។ បទ​ចម្រៀង​​​មួយនេះ ទទួលបានការគាំទ្រយ៉ាងភ្លូកទឹកភ្លូកដី អូសសឹងមិនផុតពីបណ្ដាញសង្គមទាំងហ្វេសប៊ុក និង Tiktok ព្រមទាំងមានអ្នកយកទៅធ្វើ Reaction ទាំងខ្មែរ និង បរទេសយ៉ាងច្រើនពេញបណ្ដាញសង្គមនានាទៀតផង។

ជាក់ស្ដែង បទចម្រៀង «កំលោះស្រុកខ្មែរ» មួយបទនេះ គឺជាស្នាដៃផលិតយ៉ាងសម្រិតសម្រាំងទាំងភ្លេង និង ទំនុកច្រៀង ពីសំណាក់លោក វណ្ណដា និង វណ្ណថា ផងដែរ។ អ្វីដែលចាប់អារម្មណ៍បំផុតនោះ បទចម្រៀងដ៏ពីរោះមួយបទនេះ ចេញផ្សាយជាផ្លូវការរយៈពេលត្រឹមតែ ១៩ ម៉ោងប៉ុណ្ណោះ ទទួលបានការចូលទស្សនាដល់ទៅជាង ១ លានដង។

មិនតែប៉ុណ្ណោះ បើទោះបីជារំលងជាង ២ សប្ដាហ៍ទៅហើយក្ដី ពោលគឺ បើគិតចាប់ពីថ្ងៃដែលចេញផ្សាយផ្លូវការ មកដល់ថ្ងៃទី ២៤ ខែមេសា ឆ្នាំ ២០២៣ នេះ បទចម្រៀង «កំលោះស្រុកខ្មែរ» ទទួលបានការចូលទស្សនាក្នុងឆានែលយូធូបរបស់លោក វណ្ណថាន​ ដល់ទៅជិត ១៩ លានដងឯណោះ និង ជាប់ចំណាត់ថ្នាក់លេខ ១ ឬ Top1 ក្នុងប្រទេស និង ជាប់ចំណាត់ថ្នាក់លេខរៀងទី ៣១ ជាវីដេអូបទចម្រៀងល្បីក្នុងពិភពលោក (Global Top Music Videos)៕

បានចូលមើល និង ស្ដាប់បទ «កម្លោះស្រុកខ្មែរ» ឬនៅ? ចុចខាងក្រោមដើម្បីទស្សនា MV ខាងក្រោម ៖