ល្បីអស់ស្ទះ! សឹងគ្រប់បទក្នុងអាល់ប៊ុមថ្មីរបស់ La Cima Cartel ផ្ទុះខ្លាំងលើបណ្ដាញសង្គម
ក្រុមចម្រៀងហ៊ីបហប La Cima Cartel បានបញ្ចេញអាល់ប៊ុមថ្មីរបស់ខ្លួន កាលពីថ្ងៃទី ១០ ខែមេសា ឆ្នាំ ២០២៣ កន្លងទៅ មានចំណងជើងថា «Cartel Meeting Vol.3» ទទួលបានការគាំទ្រយ៉ាងគគ្រឹកគគ្រេង ពីសំណាក់មហាជនអ្នកគាំទ្រជាច្រើន រហូតធ្វើឱ្យលាន់មាត់ថា បទចម្រៀងក្នុងអាល់ប៊ុមនេះស្ដាប់មិនចេះជិនណាយសោះតែម្ដង។
អាល់ប៊ុម «Cartel Meeting Vol.3» នេះបានច្រៀង និង សម្រិតសម្រាំងនិពន្ធផលិតយ៉ាងពិសេស ពីសមាជិកទាំងអស់ក្នុង La Cima Cartel មានដូចជា លោក YCN Tomie លោក ALL3RGY លោក YCN Dizzy លោក Hasha លោក Meezy24K លោក YCN Rakhie លោក Mut Phearin ព្រមទាំងជួយសម្របសម្រួលផលិតពីលោក Rithy Siv ដែលជាស្ថាបនិក Cartel មួយនេះ និង ចូលរួមពីផលិតករតន្ត្រីជាច្រើនរូបផ្សេងទៀតផងដែរ។
គួរឱ្យដឹងផងដែរថា ក្នុងអាល់ប៊ុម «Cartel Meeting Vol.3» នេះ មានបទចម្រៀងចំនួន ៧ បទ មានចំណងជើងថា ៖
បទចម្រៀង «ណយអឿយ» បកស្រាយដោយ លោក Hasha និង លោក YCN Tomie
បទចម្រៀង «ស្រាមួយកែវ» បកស្រាយដោយ លោក YCN Tomie និង លោក Hasha
បទចម្រៀង «អូនសីតា» បកស្រាយដោយ លោក Meezy24K និង លោក Hasha
បទចម្រៀង «មួយខ្សឺត» បកស្រាយដោយ លោក ALL3RGY លោក YCN Dizzy និង លោក Meezy24K
បទចម្រៀង «កំរ» បកស្រាយដោយ លោក Mut Phearin និង លោក YCN Tomie
បទចម្រៀង «លេខ ១០» បកស្រាយដោយ លោក YCN Rakhie និង លោក ALL3RGY
បទចម្រៀង «ធ្មេញមាស» បកស្រាយដោយ លោក YCN Tomie លោក ALL3RGY លោក YCN Dizzy លោក Hasha លោក Meezy24K និង លោក YCN Rakhie
