(វីដេអូ) កក្រើកទាំងយប់! បទចម្រៀង «ចងចាំសាវតារ» របស់សិល្បករបារមី ស្ដាប់ហើយព្រឺសម្បុរខ្ញាក

បទចម្រៀង «ចងចាំសាវតារ» សម្រាប់ជូនជាពិសេសទៅកាន់អត្ដពលិក កីឡាស៊ីហ្គេម ឆ្នាំ ២០២៣ ទាំងអស់ ដែលបានបកស្រាយរួមគ្នា ពីសំណាក់សិល្បករសិល្បការិនីចំនួន ៦ រូបរបស់ផលិតកម្ម បារមី បានចេញជាផ្លូវការហើយ កាលពីរាត្រីថ្ងៃទី ១​ ខែឧសភា ឆ្នាំ ​២០២៣ កន្លងទៅនេះ។

ជាក់ស្ដែង តារាចម្រៀងទាំង ៦ ដែលបានចូលរួមបកស្រាយច្រៀងទាំងនោះ មានដូចជាលោក វណ្ណដា កញ្ញា Sophia Kao លោក វណ្ណថាន កញ្ញា ស៊ូ ស៊ីរីកា លោក Norith ព្រមទាំងលោក Juvie Lin ក្រុមចម្រៀង Polarix។

ស្នាដៃបទចម្រៀងថ្មីនេះដែរ បានធ្វើឱ្យបណ្ដាមហាជនជាច្រើននាំគ្នា ផ្ទុះចែករំលែកបន្ត ព្រមទាំងបញ្ចេញមតិស្រដៀងៗគ្នាព្រៀតថា បទចម្រៀងមួយនេះគឺពីរោះខ្លាំងណាស់ ដែលបានលាយឡំជាមួយនឹងការរ៉េប ភ្លេងបែប Hip Hop ព្រមទាំងភ្លេងបែបប្រពៃណីបុរាណ។

មិនតែប៉ុណ្ណោះ បទចម្រៀង «ចងចាំសាវតារ» មួយនេះ ថែមទាំងមានទំនុកច្រៀងធ្វើឱ្យអ្នកស្ដាប់ ស្ដាប់ហើយព្រឺសម្បុរខ្ញាក ជាពិសេសត្រង់វគ្គដែលច្បិចចេញបន្តិចពីបទចម្រៀង ពង្សាវតាខ្មែរ ធ្វើឱ្យមហាជនលាន់មាត់គ្រប់ៗគ្នាថាមិនសរសើរមិនបាន តែម្ដង៕

សូមទស្សនា និង រីករាយសណ្ដាប់នូវបទចម្រៀង «ចងចាំសាវតារ» ខាងក្រោម៖