(វីដេអូ) មើលហើយពេញបេះដូងតែម្តង! «Go Go SEA GAMES» ពីកំពូលតារាចម្រៀង ៦ រូប សាទរកម្ពុជានាមជាម្ចាស់ផ្ទះព្រឹត្តិការណ៍ SEA GAMES
វីដេអូបទចម្រៀង «GO GO SEA GAMES» កំពុងតែទទួលបានការស្ញើចសរសើរពីគុណភាពយ៉ាងផុសផុលពីបណ្តាអ្នកគាំទ្រដែលបានពញ្ញាក់អារម្មណ៍ស្មារតីឱ្យរំភើបជាមួយព្រឹត្តិការណ៍ជាប្រវត្តិសាស្រ្តដ៏អស្ចារ្យនេះ។
កំពូលតារាចម្រៀងទាំង ៦ រូប របស់ផលិតកម្មរស្មីហង្សមាស រួមមាន ឆន សុវណ្ណារាជ, ពេជ្រ សោភា, ណុប បាយ៉ារិទ្ធ, សុគន្ធ នីសា, ហ្សូណូ, និង សួស វីហ្សា បានរួមគ្នាដើម្បីបទចម្រៀងដ៏ពិសេសមួយនេះ។
គ្រប់កីឡាជាច្រើនសណ្ឋាន ពាក្យពេចន៍ជូនពរ និង អបអរអត្តពលិក ក៏ដូចជាបង្ហាញពីមោទនភាពកម្ពុជា ក្នុងនាមជាម្ចាស់ផ្ទះ បទ «GO GO SEA GAMES» បានបង្ហាញយ៉ាងល្អឥតខ្ចោះក្នុង MV មួយនេះ ទស្សនាហើយព្រឺសម្បុរ ជ្រួតជ្រាបពេញបេះដូងតែម្តង។
បទ «GO GO SEA GAMES» ក៏នឹងត្រូវលើកយកមកសម្តែងក្នុងព្រឹត្តិការណ៍បើកការប្រកួតស៊ីហ្គេម នាថ្ងៃទី ៥ ឧសភា ២០២៣ នេះផ្ទាល់តែម្តង៕
