ផ្អើលថាទាក់ទងគ្នា ឥលូវ Matty Healy ឃើញឈរមើលការប្រគំតន្ត្រី Eras Tour ជាមួយឪពុក Taylor Swift
ផ្ទុះផ្អើលតាមបណ្ដាញសង្គមនានាជាថ្មី ក្រោយចចាមអារ៉ាមស្នេហារវាង Taylor Swift និង Matty Healy ហាក់កាន់តែច្បាស់លាស់ទៅ នៅពេលអ្នកគាំទ្រប្រទះឃើញ Matty ឈរមើលការប្រគំតន្ត្រី Eras Tour ជាមួយឪពុករបស់ Taylor Swift យ៉ាងរីករាយ។
តាមការចេញផ្សាយរបស់សារព័ត៌មាន Mirror កាលពីថ្ងៃទី ១៤ ខែឧសភា ឆ្នាំ ២០២៣ កន្លងទៅ បានឱ្យដឹងថា តារាចម្រៀងប្រុស Matty Healy បានបន្តដើរតាមការប្រគំតន្ត្រី Eras Tour ជាមួយ Taylor Swift ហើយឥលូវថែមទាំងមានទំនាក់ទំនងជិតស្និទ្ធជាមួយឪពុករបស់នាងថែមទៀត។
ជាក់ស្ដែង បើតាមការបង្ហោះរបស់អ្នកគាំទ្រ តារាប្រុស Healy ឃើញឈរនៅតង់ VIP នាកម្មវិធីប្រគំតន្ត្រីរបស់ Taylor Swift ធ្វើឱ្យអ្នកគាំទ្រមានការភ្ញាក់ផ្អើលជាខ្លាំង។
គួរំឭកផងដែរ កាលពីប៉ុន្មានថ្ងៃមុន តារាចម្រៀង Taylor Swift និង Matty Healy ត្រូវបានមហាជនប្រទះឃើញដើរកាន់ដៃគ្នាចេញពីសណ្ឋាគារមួយ ក្រោយជួបជុំញ៉ាំអាហារជជែកគ្នាលេងជាមួយមិត្តភក្តិ៕
