ម្នាក់ទៀតហើយ! តារាចម្រៀងកូរ៉េ Haesoo ត្រូវគេប្រទះឃើញស្ល-ាប់នៅសណ្ឋាគារ ក្នុងវ័យ ២៩ ឆ្នាំ ជាមួយសំបុត្រផ្តាំមួយសន្លឹក

នៅថ្ងៃទី ១៥ ខែឧសភា ឆ្នាំ ២០២៣ តាមរយៈសារព័ត៌កូរ៉េមួយមានបានឱ្យដឹងថា មានតារាតារាកូរ៉េម្នាក់ទៀតហើយ បានសម្រេចផ្តាច់ជីវិតរបស់ខ្លួន នោះគឺតារាស្រី Haesoo ដែលទើបមានវ័យ ២៩ ឆ្នាំប៉ុណ្ណោះ។

តាមព័ត៌មានបានឱ្យដឹងថា សពរបស់នាងត្រូវបានគេរកឃើញសណ្ឋាគារមួយកន្លែង កាលពីថ្ងៃទី ១៣ ខែឧសភា ឆ្នាំ ២០២៣ កន្លងទៅនេះ ព្រមជាមួយនឹងសំបុត្រមួយច្បាប់ផងដែរ ទើបគេសន្និដ្ឋានថា ការស្លាប់របស់នាងមិនពាក់ព័ន្ធជាមួយករណីឃាតកម្មឡើយ។

យ៉ាងណាមិញ មិនមានប្រភពណាមួយទម្លាយពីពិធីបុណ្យសពរបស់នាងនោះទេ ដោយឡែក​មហាជននៅតាមបណ្តាញសង្គមច្រើនបានត្រឹមតែចូលរួមរំលែកទុកទៅកាន់គ្រួសាររបស់នាង ព្រមទាំងសង្ឃឹមថា វិញ្ញាណរបស់នាងនឹងទៅកាន់សុគតិភពផងដែរ៕