បុរសសង្ហាម្នាក់ ជះលុយផ្ទាល់ខ្លួនទិញទូរទស្សន៍ឱ្យ Best ក្រោយឃើញ TongTong យកទូរទស្សន៍ទៅផ្ទះវិញក្រោយបែកគ្នា
មួយរយៈធំមកហើយ ដែលតារាប្រុស Tong Tong និង ស្រីស្រស់ Best Kamsing បានបញ្ចប់ទំនាក់ទំនងស្នេហាជាមួយគ្នា ដោយរឿងរ៉ាវបែកមួយនេះធ្វើឱ្យមហាជនវិភាគវែកញែកពេញលើបណ្ដាញសង្គម Tik Tok និង ហ្វេសប៊ុកជាបន្តបន្ទាប់ ខណៈខាងស្រីចេញមុខមកទម្លាយការពិតតែម្នាក់ឯង ហើយនៅឡើយមិនទាន់ឃើញខាងប្រុសលេចមុខបកស្រាយអ្វីទាំងអស់។
ខណៈមិនឃើញខាងប្រុសចេញមុខបកស្រាយសោះអ៊ីចឹង ស្រាប់តែថ្មីៗបែរជាផ្ទុះការជជែកវែកញែកមួយទៀតភ្លាម ក្រោយមានអ្នកលេងបណ្ដាញសង្គម Tik Tok ម្នាក់ កាត់វីដេអូតារាប្រុស Jack Fanchan ទៅសម្ភាស Best នៅផ្ទះ ហើយគេក៏ឃើញបាត់ទូរទស្សន៍ដែល Tong Tong បានទិញឱ្យ Best ដោយមហាជនគិតថា Tong Tong ជាអ្នកដោះយកទូរទស្សន៍ទៅវិញ ក្រោយពេលចែកផ្លូវគ្នា ហើយប្រធានបទនេះ បានធ្វើឱ្យមហាជនហួសចិត្តជាខ្លាំង។
ទោះជាយ៉ាងណា បន្ទាប់ពីចំណងស្នេហ៍បែកបាក់ ហើយទូរទស្សន៍ត្រូវបានខាងប្រុសយកទៅវិញហើយនោះ ស្រាប់តែផ្ទុះការចាប់អារម្មណ៍ជាថ្មី ពេលឃើញ Youtuber ល្បីឈ្មោះក្នុងកម្មវុធី Kyutae Oppa ដែលមហាជនស្គាល់ថាជាមិត្តដែលស្គាល់រាប់អានគ្នាជាមួយនឹង Best បាននាំស្រីស្រស់រូបនេះ ទៅទិញទូរទស្សន៍ថ្មីហើយ និង ថែមទាំងជូនពរ Best ឱ្យជួបមនុស្សប្រុសល្អ ស្រឡាញ់ស្មោះថែមទៀតផង៕
