កប់សារី! Paing វត្តី និង វ៉ៃហាំង ប៉ះគ្នាក្នុងរឿង «ប្រុសលក់ខ្លួន» អ្នកគាំទ្រអន្ទះសាចង់មើលព្រាត
មួយរយៈមុន តារាម៉ូដែលរូបសង្ហាដ៏ល្បីនៅប្រទេសមីយ៉ាន់ម៉ា លោក Paing Takhon បានធ្វើដំណើរមកកាន់ប្រទេសកម្ពុជា ដើម្បីពិភាក្សាថតខ្សែភាពយន្តជាមួយផលិតកម្ម LD តែខាងផលិតកម្មមិនបានបង្ហាញមុខតួឯកស្រីទេ ដែលធ្វើឱ្យអ្នកគាំទ្រអន្ទះសាចង់ឃើញមុខតួស្រីជាខ្លាំង។
ការរង់ចាំយ៉ាងអន្ទះសារបស់មហាជន ពេលនេះត្រូវបានបកស្រាយច្បាស់លាស់ហើយ ដោយនៅរសៀលថ្ងៃទី ១៨ ខែឧសភា ឆ្នាំ ២០២៣ នេះ ផេកផ្លូវការរបស់ផលិតកម្ម LD បានបង្ហាញ Poster រឿង «ប្រុសលក់ខ្លួន» ដែលសម្ដែងដោយប្រុសសង្ហា Paing Takhon គឺមានកញ្ញា ពេជ្រ វត្តីសារ៉ាវឌ្ឍី គឺជាតួឯកស្រី។
អ្វីដែលកាន់តែធ្វើឱ្យអ្នកគាំទ្រចង់ទស្សនារឿងនេះកាន់តែខ្លាំង ក្រៅពីតារាល្បីៗ Paing និង បវរកញ្ញា Miss Grand Cambodia 2022 ពេជ្រ វត្តីសារ៉ាវឌ្ឍី ហើយនោះ ក៏មានវត្តមានតួឯកប្រុសដ៏ល្បីល្បាញ ខាត់ វ៉ៃហាំង ចូលរួមសម្ដែងផងដែរ៕
