(វីដេអូ) ភ្ញាក់ផ្អើល! Park Bom បង្ហាញសម្រស់យ៉ាងប្លែក នៅក្នុងវីដេអូផាត់មុខថ្មីមួយ

មហាជនសង្កេតឃើញថា មួយរយៈចុងក្រោយនេះ អតីត​សមាជិក ​2NE1 តារាចម្រៀង​ស្រី Park Bom មានភាពសកម្មក្នុងបណ្ដាញសង្គមជាងកាលពីប៉ុន្មានឆ្នាំកន្លងទៅ ដែលធ្វើឱ្យអ្នកគាំទ្រជាច្រើនមានការរំភើបជាខ្លាំង ព្រោះគិតថាបញ្ហាសុខភាពផ្លូវចិត្ត ព្រមទាំងសុខភាពរាងកាយរបស់នាងមានភាពប្រសើរជាងកាលពីមុន។

ជាស្ដែងនៅថ្ងៃទី ១៨ ខែឧសភា ឆ្នាំ ២០២៣ នេះស្រីស្អាត Park Bom បានបង្ហោះវីដេអូមួយចូលទៅក្នុងបណ្ដាញសង្គម IG របស់ខ្លួនជាមួយនឹង Caption ជា Hastag នៃឈ្មោះរបស់នាងថា «ផាកប៊ូម» ជាភាសាកូរ៉េ ភាសាអង់គ្លេស ភាសាចិន ភាសាជប៉ុន ភាសាអារ៉ាប់ ព្រមទាំងភាសាវៀតណាមជាដើម។

ក្នុងវីដេអូ Park Bom បានបង្ហាញពីស្នាមញញឹមដ៏គួរឱ្យស្រលាញ់របស់នាង ជាមួយនឹងការតុបតែងខ្លួន ផាត់មុខ ដែលបំផុសគំនិតពីការ Make Up តាមស្រីស្អាតៗក្នុងកម្មវិធីវីដេអូចិន ឬ កម្មវិធី Douyin ព្រមទាំងភ្ជាប់ជាមួយនឹង Filter។ ចង់ជ្រាបកាន់តែច្បាស់ សូមចុចទីនេះ ដើម្បីទស្សនាវីដេអូ៕