ស្រឡាញ់គ្នា ១ ឆ្នាំហើយ Teoy នៅមិនអាចបង្ហោះរូបគូញឹកញាប់ជាមួយសង្សារ តាមពិតមកពីរឿងមួយនេះសោះ

ក្រោយរបួសស្នេហ៍ចាស់បានសះស្បើយមក ពេលនេះតារាស្រីរាងតូងច្រឡឹង Toey Jarinporn បានបើកបេះដូងទទួលយកបុរសម្នាក់ចូលមកស្អំបេះដូងរបស់នាងហើយ ដែលបុរសរូបនោះត្រូវបានអ្នកគាំទ្រស្គាល់ថា ជាកីឡាករស្គីទឹកកកជម្រើសជាតិមានកេរ្តិ៍ឈ្មោះម្នាក់នៅក្នុងប្រទេសថៃ។

ដោយឡែក អ្វីដែលមហាជនកត់សម្គាល់ជាទីបំផុតនោះ បើទោះបីជាបើកចំហបេះដូងទទួលយកគ្នាអស់ពេល ១ ឆ្នាំហើយក៏ដោយ តែអ្នកទាំងពីរនៅឡើយមិនទាន់លះនឹងការបង្ហោះរូបភាពគូផ្អែមល្ហែមនៅលើបណ្តាញសង្គមឱ្យអ្នកគាំទ្របានឃើញឡើយ រហូតម្នាក់ៗចង់ដឹងពីមូលហេតុពិតនៃការមិនបង្ហោះរូបភាពគូនេះថែមទៀតផង។

យ៉ាងណាមិញ ជុំវិញមន្ទឹលរបស់អ្នកគាំទ្រទាំងអស់នេះដែរ តារាស្រី Toey Jarinporn បានចេញមុខទម្លាយច្បាស់ៗពីមូលហេតុដែលនាងមិនបង្ហោះរូបភាពគូហើយ គឺដោយសារតែនាងអៀន ទាំងដែលការពិតទៅនាង និង គូស្នេហ៍ដើរកម្សាន្តជាមួយគ្នាញឹកញាប់ រូបភាពគូក៏ច្រើន តែមិនហ៊ានបង្ហោះ ហើយនាងសន្យាថាថ្ងៃណានាងលែងសូវអៀននាងនឹងបង្ហោះឱ្យមហាជនបានឃើញជាក់ជាពុំខាន៕