គ្រាន់តែ យូប៊ីន Mention វៃហាំង ពេលចែករំលែករូបភាព Nadech សុំ Yaya រៀបការ ហ្វេនៗជ្រួលច្របល់មិនស្ទើរ
ថ្មីៗនេះ មហាជនអ្នកគាំទ្ររបស់តារាប្រុសស្រីថៃ Nadech និង Yaya ហាក់រំភើបចិត្តយ៉ាងខ្លាំង នូវចំណងស្នេហ៍របស់អ្នកទាំង ២ ក្រោយពីបានប្តូរឈ្មោះពីសង្សារក្លាយជាគូដណ្តឹងជាផ្លូវការកាលពីថ្ងៃទី ០៥ ខែមិថុនា ឆ្នាំ ២០២៣ បន្ទាប់ពីខាងប្រុស បានលុតជង្គង់សុំខាងស្រីរៀបការនៅឯប្រទេសអ៊ីតាលី។
ក្នុងនោះរូបភាព នៃការសុំរៀបការរបស់ Nadech និង Yaya ក៏ត្រូវបានអ្នកគាំទ្រជាច្រើនប្រទេសបានចែករំលែក និង ចូលរួមអបអរដល់គូស្នេហ៍តារាប្រុសស្រីថៃមួយគូនេះផងដែរ។
ងាកមកកាន់តារាស្រីកម្ពុជា កញ្ញា ស៊ីន យូប៊ីន ឯនេះវិញ ក៏បានចែករំលែករូបភាពសុំរៀបការរបស់ Nadech និង Yaya ហាក់បង្ហាញពីការអបអររបស់ខ្លួន ទៅកាន់តារាប្រុសស្រីថៃ ២ រូបនោះដែរ។ ជាងនេះទៅទៀត ការចែករំលែករូបភាពរបស់ ស៊ីន យូប៊ីន នោះ បានធ្វើឱ្យមហាជនចាប់អារម្មណ៍ និង ចូលទៅបញ្ចេញមតិព្រាតក្រោយពីឃើញ កញ្ញា ស៊ីន យូប៊ីន បាន mention ឈ្មោះលោក ខាត់ វៃហាំង ចូលផងនោះ។
រូបភាព Nadech សុំ Yaya រៀបការ ត្រូវបានកញ្ញា ស៊ីន យូប៊ីន mention លោក ខាត់ វៃហាំង នោះ បានធ្វើឱ្យមហាជនមួយចំនួនចូលទៅបញ្ចេញមតិថា៖ «Mention គ្នាហ្នឹង ជិតមានដំណឹងល្អហើយមែនអាយដល?» ខ្លះទៀតក៏លើកឡើងថា «ជិតដល់ថ្ងៃហើយមើលទៅ Idol» និង ខ្លះបានជូនពរចង់ឃើញកញ្ញា ស៊ិន យូប៊ីន និង លោក ខាត់ វៃហាំង មានដំណឹងល្អឆាប់ៗក៏មាន៕
