ហ៊ោពេញស្តាត! ម្ចាស់បទ «ថ្នាក់រៀនជាប់គ្នា» Jane និង ថេត ច្រៀងរួមគ្នាក្នុងកម្មវិធីបិទអាស៊ានប៉ារ៉ាហ្គេម ផ្អើលអ្នកគាំទ្រ

ព្រឹត្តិការណ៍អាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះ បានដល់ថ្ងៃបិទបញ្ចប់ហើយ នៅថ្ងៃទី ០៩ ខែមិថុនា ឆ្នាំ ២០២៣ នេះ នៅឯពហុកីឡាដ្ឋានជាតិមរតកតេជោ រាជធានីភ្នំពេញ។

ពិធីបិទព្រឹត្តិការណ៍អាស៊ានប៉ារ៉ាហ្គេមលើកទី ១២ នេះ មហាជនក៏បានឃើញមានការសម្តែងក្នុងទម្រង់សិល្បៈជាច្រើន ដូចថ្ងៃពិធីបើកព្រឹត្តិការណនេះដែរ ដោយក្នុងនោះក៏មានការច្រៀងពីសំណាក់តារាចម្រៀល្បីៗក្នុងប្រទេសកម្ពុជា។

ពិតណាស់ ក្រៅពីការទន្ទឹងរង់ចាំមើលពិធីបិទព្រឹត្តិការណ៍អាស៊ានប៉ារ៉ាហ្គេមលើកទី ១២ នេះ តាមរយៈការផ្សាយផ្ទាល់មុននេះ មហាជនក៏កំពុងរំភើបចិត្តខ្លាំងណាស់ដែរ ក្រោយបានទស្សនាការបកស្រាយចម្រៀង និង សម្ដែងទស្សនីយភាពបទ «ថ្នាក់រៀនជាប់គ្នា » ដែលជាបទកំពុងផ្ទុះល្បីខ្លាំងលើបណ្ដាញសង្គមទាំងហ្វេសប៊ុក និង Tiktok បកស្រាយដោយតារាចម្រៀងពន្លកថ្មី ២ រូប គឺលោក ថេត និង កញ្ញា Jane។

ក្រោយបង្ហាញវត្តមានរបស់តារាចម្រៀងពន្លកថ្មីទាំងពីរនេះ បានសម្ដែងក្នុងបទចម្រៀងនៃពិធីបិទអាស៊ានប៉ារ៉ាហ្គេមលើកទី ១២ ហើយបានធ្វើឱ្យមហាជនអ្នកគាំទ្រជាច្រើន រំភើបចិត្តមិនស្ទើរឡើយ ដោយពួកគេបានទះដៃអបអរសាទរ និង ស្រែកហ៊ោពេញពហុកីឡដ្ឋានជាតិមរតកតេជោ៕