ខ្ញីចាស់កាន់តែហឹរ! Minhyuk ក្រុម BTOB បង្ហាញល្វែងលើនៅ Water Bomb Festival អ្នកគាំទ្រសឹងទន់ជង្គង់អស់

កម្មវិធី «2023 Waterbomb Seoul With Sprite» បានធ្វើឡើងនៅកីឡដ្ឋាន Jamsil Auxiliary Stadium ក្នុងក្រុង Songpa-gu ទីក្រុងសេអ៊ូល ចាប់ពីថ្ងៃទី ២៣ ដល់ថ្ងៃទី ២៥ ខែមិថុនា ឆ្នាំ ២០២៣ នេះ ជាមួយនឹងការចូលរួមសម្ដែងយ៉ាងច្រើនកុះករពីសំណាក់សិល្បករសិល្បការិនីជាច្រើនក្នុងប្រទេសកូរ៉េខាងត្បូង។

ក្នុងចំណោមការសម្ដែងរបស់សិល្បករជាច្រើននោះ គេសង្កេតឃើញក្រុមចម្រៀងបុរស BTOB បានឡើងទៅសម្ដែង​លើ​ឆាក​មួយនោះនៅ​ថ្ងៃ​ទី ២៣ ខែ​មិថុនា កន្លងទៅ ជាមួយនឹងសមាជិកទាំង ៦ នាក់របស់ពួកគេ។

ដោយឡែក អ្វីដែលធ្វើឱ្យមហាជនកាន់តែចាប់អារម្មណ៍ខ្លាំងជាងគេ ក្នុងកំឡុងពេលក្រុម BTOB សម្ដែង គេសង្កេតឃើញសមាជិកវ័យ ៣២ ឆ្នាំ Lee Minhyuk បានធ្វើឱ្យអ្នកគាំទ្រស្រែកហ៊ោសឹងបែកបំពង់-ក នៅកំឡុងពេលដែលលោកបានដោះអាវចេញ សម្ញែងល្វែងលើ ជាមួយរូបរាង ព្រមទាំងសាច់ដុំកង់ៗដ៏សិចស៊ីរបស់លោក៕