ផ្អើលអ្នកគាំទ្រទៀតហើយ! តារាចម្រៀងសំឡេងផ្អែម ថេណា សង្ស័យកំពុងទាក់ទងនារីម្នាក់ ក្រោយធ្លាយដំរួយនេះ

ថ្មីៗនេះ មហាជននិយមតាមដានវិស័យសិល្បៈ ជាពិសេសមិត្តយុវវ័យ ច្បាស់ជាបានដឹងនូវរឿងរ៉ាវបែកធ្លាយជាច្រើនពីទំនាក់ទំនងស្នេហារបស់ Idol របស់ពួកគេ ដោយមួយរយៈនេះ មានដូចជា តារាចម្រៀងរ៉េប វណ្ណដា​ និង តារាចម្រៀងសំឡេងផ្អែម​ ខាយ ជាដើម។

យ៉ាងណាស្រាប់តែនៅព្រឹកថ្ងៃទី ២៨ ខែមិថុនា ឆ្នាំ ២០២៣ នេះ តារាចម្រៀងសំឡេងផ្អែម ថេណា មួយរូបទៀតហើយ ដែលកំពុងតែធ្វើឱ្យមហាជនចាប់ក្រសែភ្នែកមើល ជាពិសេសហ្វេននារីៗជាច្រើនកំពុងតែខូចចិត្ត ក៏ព្រោះតែមានអ្នកសង្ស័យថា ថេណា កំពុងមានទំនាក់ទំនងនឹងនារីម្នាក់។

មូលហេតុផ្ទុះការសង្ស័យ តារាចម្រៀង ថេណា កំពុងមានស្នេហានឹងនារីស្រស់ស្អាតម្នាក់នោះ ក៏ព្រោះតែអ្នកលេងបណ្តាញសង្គម IG បានចាប់បានតំរួយរូបភាពប៉ុន្មានសន្លឹករបស់លោក ថេណា នៅឯប្រទេស ដូចនឹងទីតាំងរបស់ស្រីស្អាត ដែលគេសង្ស័យជាគូស្នេហ៍របស់លោកនោះ នៅថ្ងៃតែមួយ កន្លែងតែមួយ។

យ៉ាងណា តើការពិតលោក ថេណា និង នារីស្រស់សោភារូបនោះ ជាគូស្នេហ៍ឬយ៉ាងណា មានតែរង់ចាំតាមដានការបកស្រាយរបស់លោក ថេណា តែប៉ុណ្ណោះ៕