(វីដេអូ) ផ្ទុះសរសើរ យុវជនខ្មែរមួយរូប ផាត់មុខជាប្រាសាទអង្គរវត្ត ល្ខោនខោល និង រូបអត្តសញ្ញាណជាតិជាច្រើន យ៉ាងប៉ិនប្រសប់

ថ្មីៗនេះ មហាជនអ្នកលេងបណ្តាញសង្គមហ្វេសប៊ុក និង Tik Tok កំពុងផ្ទុះការចែករំលែក និង សរសើរយ៉ាងខ្លាំងដល់យុវជនខ្មែរមួយរូប ដែលមានការច្នៃប្រឌិតយ៉ាងខ្លាំងក្នុងការគូររូបភាពផ្សេងៗជាអត្តសញ្ញាណប្រទេសកម្ពុជា នៅលើផ្ទៃមុខរបស់ខ្លួន។

យុវជនកំពុងឆក់បានការចាប់អារម្មណ៍រូបនេះឈ្មោះថា វ៉ាត វ៉ាន់ បានគូររូបនៅលើផ្ទៃមុខរបស់លោករួមមាន ផែនទីកម្ពុជា ប្រាសាទអង្គរវត្ត អប្សរា ល្ខោនខោល ដើមត្នោត ទិដ្ឋភាពក្នុងក្រុងភ្នំពេញ និង ម្ហូបហហ្មុកយ៉ាងទាក់ភ្នែក។ លើសពីនោះ អ្វីដែលកាន់តែចាប់អារម្មណ៍ទៀតនោះ យុវជន វ៉ាត វ៉ាន ក៏បានរៀបរាប់យ៉ាងក្បោះក្បាយ សម្រាយពីអត្ថន័យនៃរូបភាពនីមួយៗជាភាសាអង់គ្លេសយ៉ាងជក់ចិត្តទៀតផង។

គួរឱ្យដឹងថា នេះមិនមែនលើកទី ១ ទេ ដែលយុវជនខ្មែររូបនេះ បានបង្ហាញស្នាដៃច្នៃប្រឌិតយ៉ាងមានទេពកោសល្យ ពោលគឺកន្លងមក វ៉ាត់ វ៉ាន់ បានបង្ហាញស្នាដៃគួរឱ្យចាប់អារម្មណ៍ជាច្រើនមកហើយដែរ៕