ទីបំផុត Punjan បង្ហាញមុខគូស្នេហ៍ថ្មីជាសាធារណៈហើយ ក្រោយគ្រាំគ្រាបេះដូងអស់ ១ ឆ្នាំ

នៅថ្ងៃទី ១២ ខែកក្កដា ឆ្នាំ ២០២៣ នេះ បានធ្វើឱ្យមហាជនអ្នកលេងបណ្ដាញសង្គមអ៊ីនស្តាក្រាម និង អ្នកគាំទ្រតារាប្រុស Punjan Prama មានការរំភើបចិត្ត បន្ទាប់ពីអ្នកកំលោះរូបនេះសម្រេចចិត្តបើកបង្ហាញមុខគូស្នេហ៍ថ្មីជាសាធារណៈ ក្រោយពីគ្រាំគ្រាបេះដូងមករយៈពេល ១ ឆ្នាំ។

ទន្ទឹមនឹងការបើកបង្ហាញមុខគូស្នេហ៍ថ្មីនេះ គេឃើញមានមហាជនប្រុសស្រី ក៏ដូចជាមិត្តភក្តិក្នុងរង្វង់សិល្បៈជាច្រើនបានចូលទៅសម្ដែងក្តីអបអរសាទរព្រោងព្រាត។

អ្វីដែលសំខាន់ មហាជនហាក់ចាប់អារម្មណ៍នឹងសម្រស់សង្សារថ្មីរបស់អ្នកកំលោះ Punjan ដែលជាស្រីស្អាត ស្បែកសខ្ចី និង មុខមានមន្តស្នេហ៍ដោយនារីរូបនោះមានឈ្មោះថា «Jomi» មានគណនី IG ឈ្មោះថា «Jomiwsvn»។ ក្នុងនោះ បើក្រឡេកទៅមើលទឹកមុខតារាប្រុស Punjan វិញ ហាក់មានក្តីសុខខ្លាំងណាស់បន្ទាប់ពីបានរកឃើញស្នេហ៍ថ្មីមកមើលថែបេះដូង៕