ទីបំផុត! Janie ទម្លាយការពិតហើយ ក្រោយល្បីរកាំរកូសជាមួយ Mickey ជាស្វាមីវ័យក្មេង

នៅថ្ងៃទី ១៩ ខែកក្កដា ឆ្នាំ ២០២៣ កន្លងទៅនេះ បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ដោយគូស្វាមីភរិយាដ៏សែនផ្អែមល្អែមមួយគូ គឺតារាសម្ដែងស្រី Janie Tienphosuwan និង Mickey បានបង្ហោះសារប្លែកៗក្នុងបណ្ដាញសង្គមអ៊ីនស្តាក្រាម ហាក់កំពុងតែមានរឿងរកាំរកូសក្នុងគ្រួសារ។

បើតាមការបង្ហោះរបស់តារាស្រី Janie បានបង្ហោះថា ៖ «ខ្ញុំមិនដឹងថាមានអ្នកស្តាប់ឬអត់នោះទេ តែចង់ឱ្យត្រឡប់ទៅគិតរឿងដែលគួរគិត និង ត្រូវទទួលយកនូវអ្វីគ្រប់យ៉ាងដែលអ្នកមាននៅឆ្នាំ ២០២៣ នេះ»។ ងាកទៅមើលស្វាមីនាង លោក Mickey បានចេញបង្ហោះថា ៖ « អាថ៌កំបាំងនៃជីវិត សូមឈប់ស្ត្រេស និង រវល់ជាមួយរឿងរបស់អ្នកដទៃ ដែលធ្វើឱ្យរំខានដល់សេចក្តីសុខក្នុងជីវិតរបស់អ្នក»។

ទន្ទឹមនឹងឃើញការបង្ហោះសារបែបនេះពីតារាប្រុសស្រីទាំងពីរ គេឃើញមានមហាជនច្រើនងឿងឆ្ងល់ និង សង្ស័យថា តារាស្រី Janie និង ស្វាមី អាចនឹងមានរឿងរកាំរកូសជាមួយគ្នា។ ជុំវិញរឿងរ៉ាវនេះ បើក្រឡេកទៅមើលតារាសម្ដែងស្រី Janie វិញ បន្ទាប់ពីមានការសង្ស័យ និង ផ្ទុះព័ត៌មានព្រោងព្រាតពីមហាជនដូចនោះ នាងក៏ប្រញាប់មកបកស្រាយការពិតក្នុងកម្មវិធីសម្ភាសមួយថា ៖ «នាងពិតជាមានការងឿងឆ្ងល់ជាខ្លាំងម្តេចបានមានព័ត៌មានបែបនេះកើតឡើង ព្រោះនាង និង ស្វាមីនៅផ្ទះជាមួយគ្នាដូចដើមហាក់មិនមានបញ្ហាអ្វីឡើយ។ រីឯរូបភាពគូដែលពុំសូវបានបង្ហោះ ព្រោះរវល់ការងារ»៕