ស្រណោះណាស់! ពិធីបុណ្យស.ពរបស់ Coco Lee ទើបកំណត់ថ្ងៃច្បាស់ ក្រោយពន្យារពេលជិតមួយខែ
កាលពីថ្ងៃទី ០៥ ខែកក្កដា ឆ្នាំ ២០២៣ ដំណឹងមរណភាពរបស់តារាចម្រៀងចិនកាត់អាមេរិក Coco Lee បានបង្កឱ្យមហាជនមានការភ្ញាក់ផ្អើលជាខ្លាំង ដោយនាងបានសម្រេចបញ្ចប់ជីវិតខ្លួនឯង នៅក្នុងផ្ទះរបស់នាងផ្ទាល់។
ភ្លាមៗនោះ បន្ទាប់ពីព័ត៌មានបានចុះផ្សាយថា Coco Lee បានបាត់បង់ជីវិត ក៏បានឃើញមិត្តរួមអាជីព និង ក្រុមអ្នកគាំទ្រជាច្រើន បាននាំគ្នាចូលរួមកាន់ទុក្ខ និង រំលែកទុក្ខយ៉ាងកុះករបង្ហោះនៅលើបណ្តាញសង្គមផ្សេងៗ ដោយសង្ឃឹមថា វិញ្ញាណក្ខន្ធរបស់តារាស្រីវ័យ ៤៨ ឆ្នាំរូបនេះ បានទៅកាន់ទីឋានស្ងប់សុខ និង រួចផុតទុក្ខលំបាកទាំងអស់របស់នាងកាលនៅមានរស់រានមានជីវិត។
ទោះបីជាយ៉ាងណាក៏ដោយ បន្ទាប់ពី Coco Lee បានបាត់បង់ជីវិត ខាងក្រុមគ្រួសាររបស់នាងក៏បានយល់ព្រមធ្វើកោសល្យវិច័យ ដើម្បីតាមរកមូលហេតុពិតចំពោះការស្លាប់របស់នាងផងដែរ ជាហេតុធ្វើឱ្យពិធីបុណ្យសពរបស់នាង ត្រូវបានពន្យារពេលជិតមួយខែ។
អាស្រ័យហេតុនេះ ទើបបានជាក្រុមគ្រួសាររបស់ Coco Lee បានសម្រេចចិត្តថានឹងរៀបចំពិធីបូជាគោរពវិញ្ញាណក្ខន្ធរបស់នាង នៅថ្ងៃទី ៣១ ខែកក្កដា ឈានដល់ថ្ងៃទី ០១ ខែសីហា ឆ្នាំ ២០២៣ នៅទីក្រុងហុងកុងជាទឹកដីកំណើតរបស់នាង៕
