តារាស្រីវ័យក្មេង ២ ដួង ម្នាក់ចូលវ័យ ២០ ឆ្នាំ និង ម្នាក់ទៀតវ័យ ២៣ ឆ្នាំ កំពុងពេញស្អាត មហាជនចាប់ចិត្តព្រាត

បើនិយាយពីតារាចម្រៀងស្រី និង តារាសម្ដែងវ័យក្មេងដ៏មានប្រជាប្រិយភាព ២ ដួង ក្រៅពីការងារសិល្បៈ អ្នកទាំងពីរកំពុងត្រូវបានមហាជនចាប់អារម្មណ៍ខ្លាំងពីរូបសម្រស់ដ៏ទាក់ទាញរបស់ពួកគេផងដែរ ជាពិសេសខណៈតារាស្រីទាំង ២ ដួងនេះ ចម្រើនវ័យក្នុងឆ្នាំ ២០២៣ ដោយម្នាក់មានវ័យ ២០ ឆ្នាំ និង ម្នាក់ទៀតមានវ័យ ២៣ ឆ្នាំ។ តារាស្រីទាំង ២ ដួងនេះមាន ៖

១. ញឹមសួន សោភាទេពី

តារាចម្រៀងស្រីវ័យក្មេង ញឹមសួន សោភាទេពី បច្ចុប្បន្នជាទីចាប់អារម្មណ៍របស់មហាជនអ្នកគាំទ្រតាមរយៈទេពកោសល្យសិល្បៈ ទឹកដមសំឡេងផ្អែមពីរោះ ជាពិសេសរូបរាងមុខមាត់ដ៏ស្រស់សោភារបស់នាង។

លើសពីនេះ ខណៈតារាចម្រៀងសាច់សខ្ចី សោភា ទេពី ចូលវ័យ ២០ ឆ្នាំ រូបសម្រស់សាច់ឈាមរបស់នាងកាន់តែសភ្លឺទ្រលុកទ្រលន់ស្រស់ស្អាតឡើងពីមួយថ្ងៃទៅមួយថ្ងៃ ដែលជារឿយៗនាងតែងបង្ហោះរូបថតបង្អួតពីសម្រស់នៅលើបណ្ដាញសង្គមឆក់បានការចាប់អារម្មណ៍កាន់តែខ្លាំង ជាមួយនឹងការតុបតែងខ្លួនរំលេចភាពសិចស៊ី បញ្ចេញសម្រស់ដើមទ្រូងទ្រលុកទ្រលន់។

២. រចនា រ៉ាវ៉ាឌី

ចំពោះតារាសម្ដែងស្រីដ៏មានប្រជាប្រិយភាព រចនា រ៉ាវ៉ាឌី ថ្មីៗកន្លងទៅនេះ កញ្ញាក៏ទើបតែឆ្លងចូលវ័យ ២៣ ឆ្នាំ ដែលបានរៀបចំពិធីអបអរថ្ងៃកំណើត អមជាមួយរូបភាពក្នុងវ័យ ២៣ ឆ្នាំនេះ យ៉ាងស្រស់ស្អាតទាក់ទាញបន្តបន្ទាប់។

ពិតណាស់ ចំពោះតារាសម្ដែងស្រីរូបនេះ បច្ចុប្បន្នក្រៅពីទទួលបានការចាប់អារម្មណ៍គាំទ្រខ្លាំងជាមួយនឹងទេពកោសល្យក្នុងវិស័យសម្ដែង កញ្ញាក៏តែងត្រូវបានមហាជនលើកសរសើរដល់រូបនាងមិនដាច់ ព្រោះស្រីស្អាតរូបនេះកើតមកមានទាំងព្រម មានមុខមាត់ កម្ពស់កម្ពរស្រស់ស្អាត រាងខ្ពស់ដងខ្លួនស្រឡូនទាក់ទាញខ្លាំង៕