ស្ងាត់ៗ ជា សុវណ្ណនរាហ៍ ហោះទៅជួបប្រុសសង្ហា Paing Takhon ដល់មីយ៉ាន់ម៉ា
ថ្មីៗនេះ តារាសម្ដែងប្រុសកម្ពុជា លោក ជា សុវណ្ណនរាហ៍ បានហោះហើរទៅកាន់ប្រទេសមីយ៉ាន់ម៉ា ជាមួយនឹងលោក លៀក លីដា ដែលគេស្គាល់ជាម្ចាស់ផលិតកម្ម LD។
ទៅដល់ទឹកដីមីយ៉ាន់ម៉ាភ្លាម ជា សុវណ្ណនរាហ៍ បានស្កាត់ទៅជួបតារាម៉ូដែលដ៏ល្បីរបស់មីយ៉ាន់ម៉ា គឺលោក Paing Takhon ភ្លែត ព្រោះថាកន្លងមក ពួកគេក៏មានទំនាក់ទំនងល្អដូចបងប្អូន ក្នុងអំឡុងពេល Paing មកថតរឿងនៅប្រទេសកម្ពុជាកាលពីមួយរយៈមុន។
ជា សុវណ្ណនរាហ៍ បានបង្ហោះរូបភាពជាមួយប្រុសសង្ហា Paing Takhon នៅលើគណនីហ្វេសប៊ុក ដោយបង្ហាញភាពស្និទ្ធស្នាល និង ការរាប់អានគ្នាយ៉ាងល្អ ហើយលើសពីនេះ លោកក៏ទទួលបានការស្វាគមន៍យ៉ាងកក់ក្ដៅពីម្ចាស់ផ្ទះផងដែរ៕
