តាមបំណងម្ដាយ! ផ្ទះទើបសង់ថ្មីរួច Nadech ពួយមួយអស់ដៃ តុបតែងលម្អដាក់ផ្កាភ្ញីសឹងគ្រប់ជ្រុង ស្អាតស្រឡះភ្នែកណាស់
ប្រិយមិត្តអ្នកគាំទ្ររបស់តារាសម្ដែងប្រុសសង្ហា Nadech Kugimiya ពិតជាបានដឹងមកហើយអំពីផ្ទះថ្មីដ៏ប្រណីតរបស់លោក និង គ្រួសារ ដែលទើបតែនឹងរៀបចំពិធីឡើងគេហដ្ឋានថ្មី កាលពីខែមិថុនា ឆ្នាំ ២០២៣។
យ៉ាងណាមិញ បើតាមការឱ្យដឹងបន្ថែមអំពីរចនាម៉ូដនៃផ្ទះថ្មីរបស់លោក គឺធ្វើតាមគំនិតរបស់អ្នកមានគុណទាំងពីរបានចាត់ចែង ជាពិសេសបានឃើញថា ការរៀបចំសោភ័ណភាពរបៀបរៀបរយផ្នែកខាងក្នុងផ្ទះ ត្រូវបានដាក់លម្អពេញដោយផ្កាភ្ញីចម្រុះសឹងតែគ្រប់ជ្រុងទាំងអស់ សូម្បីតែក្បែរកាំជណ្តើរ។
ក្នុងនោះដែរ ក្រោយពីបានឃើញទិដ្ឋភាពផ្នែកខាងក្នុងផ្ទះថ្មីរបស់លោក ក៏ឃើញមានអ្នកនិយមលេងក្នុងបណ្តាញសង្គមជាច្រើន បានកោតសរសើរអំពីការរៀបចំតុបតែងរបស់ម្ដាយតារាប្រុសរូបនេះ មើលទៅអារម្មណ៍ស្រស់ស្រាយស្អាតស្រឡះភ្នែកល្អ គួរឱ្យចង់រស់នៅ៕
