ផ្អើលអ្នកគាំទ្រទៀតហើយ! Jennie បញ្ចេញដងខ្លួនយ៉ាងស៊ីអារម្មណ៍ ជាមួយឈុតអាវខោក្នុង Calvin Klein

Kim Jennie សមាជិកក្រុម Blackpink គឺជាតារាចម្រៀងស្រីដ៏មានប្រជាប្រិយភាព និង មានឥទ្ធិពលម្នាក់ ដែលពោរពេញដោយសមត្ថភាពក្នុងវិស័យ K-pop។ ស្រីស្រស់រូបនេះមានទឹកដមសំនៀងដ៏ផ្អែម ការរាំមានភាពបត់បែនដ៏ល្អឥតខ្ចោះ ព្រមទាំងមានរូបសម្រស់ដ៏ស្រស់ស្អាត ដែលជាផ្នែកមួយដ៏សំខាន់ ធ្វើឱ្យនាងសាងកេរ្ដិ៍ឈ្មោះល្បីល្បាញជុំវិញពិភពលោក ព្រមទាំងក្ដោបក្ដាប់ក្លាយជាទូតសុឆ្ឆទៈរបស់ប្រេនលំដាប់ៗពិភពលោកជាច្រើន។

ជាមួយគ្នានោះ ថ្មីៗនេះរូបថត Jennie ដែលបានថតសម្រាប់ផ្សព្វផ្សាយឈុតខោ និង អាវទ្រនាប់របស់ម៉ាក់ Calvin Klein ជាមួយទឹកមុខដ៏សិចស៊ីអមជាមួយសក់សើមៗ ត្រូវបានចែករំលែកព្រោងព្រាត ពាសពេញបណ្ដាញសង្គម។

រូបមួយសន្លឹកនេះហើយ បានធ្វើឱ្យមហាជន ជាពិសេសអ្នកគាំទ្រជាច្រើនលាន់មាត់នាំគ្នាសរសើរភ្លូកទឹកភ្លូកដីមិនដាច់ពីមាត់ពីដងខ្លួនដ៏ស្រស់ស្អាត សាច់សខ្ចី និង បង្ហាញភាពសិចស៊ីបែបហឹរៗរបស់តារាស្រីរូបនេះ៕